İqtisadi Əməkdaşlıq və İnkişaf Təşkilatının (OECD) keçmiş nümayəndəsi Mithat Rende, ABŞ Prezidenti Donald Trampın İran qərarının şist qazı lobbisi ilə də əlaqəli ola biləcəyinə deyib.

ABŞ Prezidenti Donald Trampın qərarı ilə ölkəsinin İran ilə 2015-ci ildə bağlanmış nüvə müqaviləsidən çıxmasından sonra neft qiymətlərində bahalaşma müşahidə olundu və Brent nefitinin qiyməti 80 dolları keçdi.

"Marja" xəbər verir ki, İqtisadi Əməkdaşlıq və İnkişaf Təşkilatının (OECD) keçmiş nümayəndəsi Mithat Rende Trampın qərarını qiymətləndirib.

Rende, Trampın İran qərarı ilə əlaqədar olaraq, "Trampı çox dəstəkləyən Hyuston neft lobbisi neftin qiymətinin yüksək qalmasını istəyir" - deyib və sözlərinə belə davam edib:

1 GÜNƏ KREDİT ALIN!

"Çox kritik bir vəziyyət söz mövzusudur. Prezident Trampın nüvə müqaviləsindən birtərəfli çıxmasının nəticələrini görürük. Həm geosiyasi risklər artır, həm də enerji bazarlarına çox ciddi təsirləri olacaq. Prezident Trampın bu siyasəti ilk növbədə İsrailin və Səudiyyə Ərəbistanının Yaxın Şərqdəki prioritetlərinə, strategiyalarına xidmət edir.

Bilirsiniz ki, bir müddət öncə ABŞ-ın Milli Strategiya sənədi dərc olunub. O sənəddə İsrail və Səudiyyə Ərəbistanı Amerikanın birgə tərəfdaşları olduğu qeyd edilib. Əvvəla, onların prioritetləri ilə hərəkət edildiyi təəssüratı verilir. İran təhdid kimi göstərilir. Bir də enerji tərəfi var. Prezident Trampın enerji siyasəti çox əhəmiyyətlidir. Belə ki, ABŞ çox əhəmiyyətli bir LNG (Liquified Petroleum Gas - Mayeləşdirilmiş neft qazı) ixracatçısı kimi ortaya çıxır. Şist qazının qazanclı olması və şist qazı hasilatına investisiyaların davam etməsi üçün neftin 70 dollar və daha yuxarı qalmasını istəyən şist qazı lobbisi var. Trampı çox dəstəkləyən Hyuston neft lobbisi də neftin yüksək qiymətlərdə qalmasını istəyir. Bu səbəbdən də bir müddət öncə Qətər vuruldu. Bunun səbəblərindən biri də Qətərin dünyanın LNG ehtiyacının 30%-dən çoxunu ödəməsi və çox böyük bir aktyor olmasıdır.

Ondan sonra Tramp Şimal Boru Xəttinə etiraz etdi. Sonra da Türk Axınına etiraz etdi. Yəni, əlbəttə Trampın İran qərarının enerji və iqtisadi aspekti də var. Amerika LNG bazarının bir hissəsini almaq istəyir. LNG ehtiyacında söz sahibi olmaq istəyir. Avstraliya kimi bir çox böyük istehsalçılar ortaya çıxacaq, amma ABŞ, Avropada Rusiya qazı ilə də rəqabət etmək istəyir. Rəqabət etməsi üçün də qiymətlərin yüksək olması lazımdır. LNG-nin mənfəətli olması üçün neft qiymətlərinin yüksək olması lazımdır. Və indidən müəyyən hədəflər üzərində çalışır. Mən bu qərarın səbəblərindən birinin də enerji olduğunu düşünürəm. Yəni ABŞ-ın enerji prioritetləri də mövcuddur".

36 AY ÖDƏNİŞLƏ PREMİUM MƏNZİLLƏR!

Şist qazı nədir?

Şist qazı şist süxurlarının formalaşması nəticəsində meydana çıxan təbii qazdır. Şistlər neft və təbii qazla zəngin olan xırdadənəli çökmə süxurlardır. Son onillikdə, xüsusilə, Amerikada horizontal qazma üsulu “hydraulic fracturing”-  hidroparçalanma üsulu ilə kombinə edilmiş və bunun nəticəsində də daha geniş şist süxurları ilə zəngin olan yataqlar əldə etmək mümkün olmuşdur.  Bu hadisə təbii qaz sənayesi və enerji təminatının bütünlükdə dinamikasını dəyişmişdir.Təbii qazla şist qazı arasında fərq demək olar ki, yoxdur. Şist qazı neft ilə birgə hasil edilir.