"Bu faiz sahibkarların özəlləşdirmədə iştirakını məhdudlaşdırır"

"Bu faiz sahibkarların özəlləşdirmədə iştirakını məhdudlaşdırır"

Əmlak Məsələləri Dövlət Komitəsi (ƏMDK) hərraclar elan edir, bu hərraclarda dövlət əmlakını özəlləşdirmək təklif olunur. Lakin investorlardan birinin hərracın şərtlərinə etirazı var.

Hərrcda iştirak etmiş Fuad Suleymanov “Marja”ya yazıb ki, beh məbləğindən tutulan faiz sahibkarların hərracda iştirakını məhdudlaşdıran ciddi amildir:

-Mən Süleymanov Fuad Hüseyn oğlu 17.01.2017 tarixində keçirilən hərracda iştirak etmişəm. Rəqabət şəraitində keçən hərracda məğlub olmuşam. Ərizə ilə müraciətimə əsasən beh məbləği Bank Respublika-dakı cari hesabıma 30.01.2017 tarixində geri qaytarılmışdır. Lakin hərracda iştirak üçün ödədiyim məbləğ 1800 manat olmasına baxmayaraq hesabıma 1782 manat məbləğ qaytarılmışdır. Beh məbləğindən tutulan 1% məbləğin nə olduğunu araşdırmaq üçün Əmlak Məsələləri Dövlət Komitəsinin qaynar xəttinə (193) müraciət etdim. Məlumat verdilər ki, beh məbləği 1000 manatdan çox olduqda 1%, 10 000 manatdan çox olduqda isə 3% Mərkəzi Bank tərəfindən tutulma olur. Nəzərə alsaq ki, hərraclarda 500 000 manat və yuxarı məbləğdə obyektlər olur. 500 000 manatlıq obyekti almaq üçün hərracda iştirak edib qalib gəlməyən sahibkar 1% tutulma ilə 500 manat, 3% tutulma ilə hesablandıqda isə 1500 manat itirmiş olur. Bu mövcud vəziyyət sahibkarların hərracda iştirakını məhdudlaşdıran ciddi amildir. ƏMDK rəhbərliyi olaraq bu mövcud neqativ halın həllini tapmasında səylərini əsirgəməməyi xahiş edirəm. Qeyd edim ki, hərraclarda daha çox sahibkarların iştirak etməsi dövət büdcəsinə daha çox vəsaitin daxil olmasına səbəb olur. Belə ki, 17 Yanvar 2017-ci il tarixində keçirilən hərracda mənim iştirak etdiyim qeyri-yaşayış sahəsinin hərracı rəqabət şəraitində keçmişdir və start qiyməti 18000 manat olan obyekt 24200 manata satılmışdır.

02.02.2017 07:45

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az