Bazar günü İtaliyada parlament seçkisi keçirilib. Heç bir partiya və ittifaq, təkbaşına hökuməti quracaq çoxluğa nail ola bilməyib.

İtaliyada Nümayəndələr Məclisi və Respublika Senatının yeni üzvlərini təyin etmək üçün 4 Martda keçirilmiş parlament seçkisində təxminən 51 milyon seçici iştirak edib.
 

"Marja" xəbər verir ki, İtalyanın rəsmi ANSA xəbər agentliyinin yaydığı ilkin nəticələrə görə, mərkəz sağ ittifaqı 33-36 faiz aralığında səs toplayıb, 5 Ulduz Hərəkəti (M5S) 29, - 32,5% səs nisbətinə çatıb. Hazırda hökumətdə olan mərkəz sol ittifaqının səs nisbəti isə 24 - 27% ətrafında qalıb.
 

Bir əvvəlki seçkiyə nisbətən mərkəz sol ittifaqının səsləri azalma göstərib, mərkəz sağ ittifaqı və M5S səslərini artırıb. Mərkəz sol ittifaqının səslərində 2-5 faiz arasında bir azalma görülüb, mərkəz sağ ittifaqının yığdığı səslərdə 3-6 faiz arası bir artım baş verib. Seçkiyə ittifaqlarsız təkbaşına qatılmış M5S isə topladığı səs faizlərini 5-7 faiz artıraraq 29,5-32,5 faiz aralığına qaldırdığı üçün seçkidə ən çox səs yığan partiya olub.
 

MƏRKƏZ SOL İTTİFAQI

Sorğulara görə, hazırda iqtidardakı koalisiya hökumətinin böyük tərəfdaşı və keçmiş baş nazir Matteo Renzi rəhbərliyindəki Demokratiya Partiyası (PD) 20-23 faiz, Emma Bonino-nun Avropa partiyası 2-4 faiz, Giulio Santagata-nın "Birlikdə" partiyası 0-2 faiz və Beatrice Lorenzin-in partiyası 0-2 faiz olmaqla, mərkəz sol ittifaqı 24-27 faiz arasında səs yığıb.

MƏRKƏZ SAĞ İTTİFAQI

Keçmiş Baş nazir Silvia Berluskoninin "Forza Italia" partiyası 12-15 faiz, Matteo Salvininin həddindən artıq sağçı Lig partiyası 13-16 faiz, Giorgia Meloni-nin həddindən artıq sağçı İtaliyanın Qardaşları partiyası 3-5 faiz və Raffaele Fitto-nun "Biz İtaliyalıyıq"  partiyası 0-2 faiz olmaqla, mərkəz sağ ittifaqı isə 33 - 36 aralığında bir səs nisbətinə çatıb.
 

Heç bir partiya və ittifaq, təkbaşına hökuməti quracaq çoxluğa nail ola bilməyib. Yenidən seçki keçiriləcəyi gözlənilir.
 

Bir əvvəlki seçkidə 75,20 faiz olan iştirak nisbətinin, bu seçkidə də təxminən eyni olduğu ehtimal edilir.