"Manatın daha da möhkəmlənməsinə təzyiqlər mövcuddur"

"Manatın daha da möhkəmlənməsinə təzyiqlər mövcuddur"

"Manatın daha da möhkəmlənməsinə təzyiqlər mövcuddur"

Samir Şərifov Manatın daha da bahalaşma meylində olduğuna, lakin buna iqtisadi qurumların imkan vermədiyinə işarə edib

VTB-də minimal faiz dərəcəsi ilə nağd kredit 10.49%-dən

2017-ci il Azərbaycanda iqtisadi baxımdan sabitləşmə ili kimi yadda qalacaq.

Bunu maliyyə naziri Samir Şərifov deyib.

Onun sözlərinə görə, bu il hökumət daha çox ölkə iqtisadiyyatının 2015-2016-cı illərdə məruz qaldığı xarici şokların təsiri ilə yaranmış problemlərin həlli ilə məşğul olub və makro-iqtisadi vəziyyətin sabitləşməsinə səy göstərib:

"Artıq görülmüş tədbirlər nəticə verib və 11 aylıq statistika göstərir ki, iqtisadiyyatda sabitləşmə baş verib. Azərbaycanın iqtisadi vəziyyəti əvvəlki illərlə müqayisədə daha sabitdir".

Nazir qeyd edib ki, milli valyutanın məzənnəsi ilin əvvəli ilə müqayisədə 3,4%, fevral ayına nisbətən isə 10%-dən çox bahalaşıb:

"Azərbaycan manatının məzənnəsinin daha da möhkəmlənməsinə təzyiqlər mövcuddur (Red: Manat daha da bahalaşmağa meyillidir). Bu da manata olan inamın tədricən bərpa olunmasının göstəricisidir".

"2017-Cİ İLİN YEKUNUNDA 0,2% AZAMA GÖZƏYİRİK"

"Azərbaycan iqtisadiyyatında ötən ildən geriləmə olsa da, bu il onun sürəti xeyli azaldılıb. Sözügedən göstərici ötən ilki 3,9%-dən bu il 0,2%-ə endirilib və bu ilin yekununda Azərbaycanda təxminən bu qədər iqtisadi geriləmə gözləyirik", - maliyyə naziri deyib.

Nazir vurğulayıb ki, bu ilin əvvəlindən Azərbaycanın xarici ticarət saldosu müsbətə doğru dəyişib və təxminən 5 milyard dollarlıq göstərici əldə olunub: "Doğrudur, burada neftin qiymətinin artmasının da rolu var, amma hər halda idxalın əvəzləşdirilməsi və ixracın sürətlənməsi nəticə verməkdədir. Ölkəyə daha çox valyuta daxil olub. Bu, Azərbaycanın tədiyyə balansına da müsbət təsir edib".

Samir Şərifovun çıxışı: http://www.myvideo.az/tv/aztv/2017-12-27/21:14:55

27.12.2017 20:19

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az