Manat əmanətlərinin faizi aşağı düşür

Manat əmanətlərinin faizi aşağı düşür

Xəbər verdiyimiz kimi, Azərbaycan bankları əhalidən cəlb edilən əmanətlərə təklif olunan faizləri aşağı salmağa başlayıblar. Əksər banklarda manat əmanətinə təklif edilən ilik qazanc faizi 10%-ə və ya daha aşağı düşüb.

VTB-də yüksək depozit faizləri daha çox qazandırır

“Marja”nın apardığı araşdırma nəticəsində məlum oldu ki, yüksək faizlə (1 il müddətinə, 13% və daha yüksək faiz təklif edənlər) əmanət qəbul edən bir neçə bank qalıb. Həmin banklar, TuranBank, AtaBank, Dəmir Bank, MuğanBank, AGBank, AccessBank, NBC Bank və Bank Avrasiya-dır. Bu banklarda 1 il müddətinə, faizin götürülməsi şərtindən (aylıq, rüblük və ya müddətin sonunda) asılı olaraq 13-16,5%-lə əmanət yerləşdirə bilərsiniz. Qeyd edək ki, manat əmanətlərində sığorta faizi 15% təşkil edir.

“Marja”nın əldə etdiyi məlumata görə, gələn ildən yüksək faizin olduğu bankların da faizləri aşağı salacağı gözlənilir. Bəlkə də, Dekabr ayı yüksək faizlə bankda əmanət yerləşdirmək üçün son aydır.

Yüksək əmanət faizlərinin olduğu bankların təklif etdiyi imkanlar fərqlidir. Bir bank əmanət yerləşdirənə hədiyyə verərkən, digər bank faiz qazancını əmanət yerləşdirən gün götürməyi təklif edir və s.

06 Dekabr 2017-ci il tarixinə, 12 ay müddətinə, faizlərin götürülməsi şərtindən asılı olaraq faiz dərəcələri aşağıdakı kimidir. (Qeyd edək ki, banklar 13-36 ay müddətinə yerləşdirilən əmanələrə görə nisbətən yüksək faizlər təklif edirlər.)

Bankı adı	12 ay üçün faiz dərəcəsi
Access Bank	12,3-13%
AFB Bank	7%
AGBank	13-14%
Amrahbank	9-10%
AtaBank	15%
Azər Türk Bank	10,5-11%
Azərbaycan Beynəlxalq Bankı	9-10%
Azərbaycan Sənaye Bankı	12%
Bank Avrasiya	13%
Bank of Baku	12%
Bank BTB	11-12%
Bank Respublika	7-8%
Bank Silk Way	2%
Bank VTB (Azərbaycan)	11,4-12%
DəmirBank	13-15%
Expressbank	10-10,4%
Günay Bank	12%
Kapital Bank	8-8,5%
Muğanbank	15%
Naxçıvanbank	2-4%
NBCBank	13-14%
Paşa Bank	Min 30 min, Razılaşma ilə,
Rabitəbank	8-9%
TuranBank	16-16,5%
Unibank	9-10%
Xalq Bank	6%
Yapı Kredi Bank Azərbaycan	11%
Ziraat Bank Azərbaycan	9%

Banklar əhalidən cəlb etdikləri vəsaitləri sata bilmədikləri, yəni, kredit götürənlər azaldığından yüksək faizlə əmanət cəlb etməkdə maraqlı deyillər. Digər tərəfdən, fiziki və hüquqi şəxslərə bank hesablarından nağd vəsaitin çıxarılmasına məhdudiyyətlər tətbiq edildiyindən banklarda böyük məbləğdə vəsait yığılıb. Bu gün həmin vəsitlərin çoxu qısamüddətli olsa da, iqtisadiyyata ötürülə bilnmir. Banklar həmin vəsitlərin bir hissəsi ilə depozit və not hərraclarında iştirak edir, dövlət istiqrazları alırlar. Bu şəkildə vəsaitlər yerləşdirilərək qazanc götürülür.

07.12.2017 10:31

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az