“Schneider Electrıc” şirkəti, "Schneider Elektrik Sanayi ve Ticaret A. Ş."-nin Azərbaycandakı filialının ləğv olunduğu barədə xəbərə münasibət bildirib.

Şirkətdən "Marja"ya daxil olmuş açıqlamada deyilir:

Azərbaycan Respublikasında 1994-cü ildən fəaliyyətini başlayan dünya miqyasında enerjinin idarə olunması üzrə ixtisaslaşan və 100-dən çox ölkədə fəaliyyət göstərən “Schneider Electrıc” şirkəti əməliyyatlarını genişləndirərək Azərbaycan Respublikasında hüquqi adını dəyişərək 18 oktyabr 2017-ci il tarixindən etibarən “Schneider Electric Middle East Projects” şirkətini kimi davam etdirəcəkdir.

“Schneider Electric” şirkətinin Mərkəzi Asiya Ölkələri üzrə Prezidenti Emrah Tekdemir deyib: “Biz Azərbaycanda sürətli inkişafı görməkdən məmnunluq duyur və enerji idarəetməsi sahəsində öz məhsul və texnologiyalarımızı təklif edərək həmin yüksəlişə töhfə vermək istəyirik. Azərbaycandakı uğurumuzun davamı olaraq biz Bakını Orta Asiya ölkərində fəaliyyətimizin mərkəzi kimi müəyyənləşdirdik. Bu da öz növbəsində dünyada tanınmış şirkətinin fəaliyyətində Azərbaycanın xüsusi rolunu bir daha vurğulayır".

"Schneider Electric" şirkəti Bakıda ofisini 2006-cı ildə açmışdır və Azərbaycanda energetika və infrastruktur layihələrdə, enerji təminatında, biznes və yaşayış binalarda, IT sahələrində enerjinin səmərəli istifadəsi və idarə olunması sahələrində məhsullarını və xidmətlərini uğurla təqdim etməkdə davam edir.

Dünya miqyasında enerjinin idarə olunması üzrə ixtisaslaşan və 100-dən çox ölkədə fəaliyyət göstərən “Schneıder Electrıc” şirkəti bir çox bazar seqmenti üzrə kompleks həll variantlarını təklif etməklə yanaşı, həm də kommunal xidmətlər və infrastruktur, habelə sənaye sahələri və texnika istehsalçıları, qeyri-yaşayış binaları, məlumat mərkəzləri və şəbəkələri, eləcə də yaşayış binaları kimi sahələrdə hakim mövqeyə malikdir. 

Əsas diqqətini enerjinin təhlükəsiz, etibarlı, səmərəli, sərfəli və ekoloji baxımdan zərərsiz şəkildə istifadə olunmasına yönəldən şirkətlər qrupu 144.000 nəfərdən çox işçi heyəti sayəsində satış həcmini 2016-cı ildə 25 milyard avroya qədər yüksəltməyə müvəffəq olmuş və beləliklə də fiziki şəxslərin və ayrı-ayrı təşkilatların öz enerjilərini maksimum səmərə ilə istifadə etmələrinə fəal surətdə kömək etmək əzmini nümayiş etdirmişdir.