31 Avqust 2026-cı il tarixinə olan məlumata görə, qeyri-rezident fiziki şəxslərin Azərbaycan banklarında əmanətləri 1 milyard 584,7 milyon manata çatıb.

Marja.az Azərbaycan Mərkəzi Bankının “Statistik bülleten”inin 2026-cı ilin avqust buraxılışına istinadən xəbər verir ki, iyulla müqayisədə artım 100,2 milyon manat və ya 6,7%, 2025-ci ilin sonundan 91,6 milyon manat və ya 6,1%, ötən ilin avqustundan isə 220 milyon manat və ya 16,1% olub. Bu artım bank əmanətlərinin rezidentlik strukturunda ayrıca diqqət çəkən dəyişiklikdir. 

Qeyri-rezidentlərin valyuta əmanətləri bir ayda 10,5% artıb

Qeyri-rezidentlərin xarici valyutada bank vəsaiti 873 milyon manatı keçib. 31 Avqust 2026-cı il tarixində qeyri-rezident fiziki şəxslərin xarici valyutada əmanətlərinin manat ekvivalenti 873,3 milyon manat olub. İyulla müqayisədə artım 83,1 milyon manat və ya 10,5% təşkil edib. Göstərici 2025-ci ilin sonundan 23,2 milyon manat aşağı, ötən ilin avqustundan isə 44,7 milyon manat yüksəkdir.    

Qeyri-rezidentlərin qısamüddətli valyuta əmanətləri 12% artıb

Qeyri-rezidentlərin qısamüddətli xarici valyuta əmanətlərinin manat ekvivalenti 2026-cı ilin Avqsut ayının sonunda 782,6 milyon manata çatıb. Bir ayda artım 84,5 milyon manat və ya 12,1% olub. Göstərici 2025-ci ilin sonundan 24,1 milyon manat aşağı, ötən ilin avqustundan isə 47,3 milyon manat yüksəkdir.   

Hər gün yeni vakansiyalar - AzVak.az-da

Əmanətlərdə qeyri-rezidentlərin payı avqustda yüksəlib

Fiziki şəxslərin əmanətlərində qeyri-rezidentlərin payı iyuldakı təxminən 8,3%-dən avqustda 8,7%-ə yüksəlib. Beləliklə, bir ayda artım 0,4 faiz bəndinə yaxın olub. 2025-ci ilin sonunda bu nisbət təxminən 8,9% təşkil edirdi. 

Qeyri-rezidentlərin uzunmüddətli valyuta əmanətləri azalıb

Avqustun sonunda qeyri-rezidentlərin uzunmüddətli xarici valyuta əmanətləri 90,7 milyon manat ekvivalentində olub. İyulla müqayisədə azalma 1,4 milyon manat və ya 1,5% təşkil edib. Göstərici 2025-ci ilin sonundan cüzi yüksək olsa da, ötən ilin avqustundan 2,5 milyon manat və ya 2,7% aşağıdır.  

Azərbaycan Mərkəzi Bankının (AMB) və "Valyuta tənzimi haqqında" qanunun pul-kredit statistikasına əsasən, “Qeyri-rezidentlərin əmanətləri” dedikdə, əsas iqtisadi maraqları Azərbaycan hüdudlarından kənarda olan və ölkə daxilindəki banklarda pul yerləşdirən xarici fiziki və hüquqi şəxslərin (şirkətlərin) vəsaitləri nəzərdə tutulur.

Mərkəzi Bankın hesabatlarında bu kateqoriyaya konkret olaraq kimlərin pulları daxil edilir?

1. Qeyri-rezident fiziki şəxslər (Əcnəbi vətəndaşların əmanətləri)

Bura Azərbaycanda müvəqqəti olan və bankda depozit hesabı açan şəxslər daxildir:

• Turistlər və müvəqqəti gələnlər: Azərbaycan banklarında pul yerləşdirən, lakin ölkədə ildə 182 gündən az qalan əcnəbilər.

• Xarici tələbələr: Azərbaycanda təhsil alan və burada bank hesabı olan xarici tələbələr qanunvericiliyə görə statistikada qeyri-rezident hesab olunur.

• Xarici diplomatlar və nümayəndələr: Azərbaycanda fəaliyyət göstərən xarici səfirliklərin, konsulluqların və beynəlxalq təşkilatların (məsələn, BMT, BVF) əcnəbi əməkdaşları və onların ailə üzvləri.

• Xaricdə yaşayan Azərbaycan vətəndaşları: Əgər bir Azərbaycan vətəndaşı daimi olaraq xaricdə yaşayırsa (məsələn, Almaniyada və ya Rusiyada biznesi/işi var) və bura gəlmirsə, o da bank statistikası üçün qeyri-rezident sayılır.

İş elanları AzVak.az-da