Azərbaycan-Oman Fondu Azərbaycan bankının yeni səhmlərini əldə edəcək
“Azər-Türk Bank”ın kapitalına Oman fondu daxil ola bilər – Yeni səhmlərin emissiyası planlaşdırılır“Azər-Türk Bank” ASC-nin nizamnamə kapitalına xarici investorun cəlb edilməsi imkanları nəzərdən keçirilir. Potensial investisiyanın bankın əlavə səhm emissiyası vasitəsilə həyata keçirilməsi planlaşdırılır.
Marja.az xəbər verir ki, bu barədə “Azər-Türk Bank” ASC-nin açıqladığı insayd məlumatında bildirilir.
Məlumata görə, II Azərbaycan Beynəlxalq İnvestisiya Forumu (AIIF 2026) çərçivəsində Azərbaycan İnvestisiya Holdinqi ilə Oman İnvestisiya Təşkilatı arasında “Azər-Türk Bank” ASC-yə potensial investisiya ilə bağlı əsas şərtləri müəyyən edən hüquqi öhdəlik yaratmayan Şərtlər Toplusu (Term Sheet) imzalanıb.
Oman-Azərbaycan Birgə İnvestisiya Fondu bankda pay almağı nəzərdən keçirəcək
Sənədə əsasən, Oman İnvestisiya Təşkilatının (OIA) Azərbaycan-Oman Birgə İnvestisiya Fondu vasitəsilə “Azər-Türk Bank”ın kapitalında strateji, lakin nəzarət hüququ verməyən pay əldə etməsi imkanına baxılacaq. Bu o deməkdir ki, söhbət bank üzərində nəzarətin investora keçməsindən deyil, bankın kapitalına yeni investorun daxil olması ehtimalından gedir.
İnvestisiya əlavə səhm emissiyası ilə həyata keçirilə bilər
Açıqlamada ən mühüm məqamlardan biri potensial investisiyanın mexanizmidir. Bildirilib ki, investisiyanın “Azər-Türk Bank” tərəfindən əlavə səhmlərin emissiyası yolu ilə həyata keçirilməsi planlaşdırılır.
Əlavə səhm emissiyası baş tutarsa, investor yeni buraxılan səhmləri əldə etməklə banka birbaşa kapital yatırmış olacaq. Belə mexanizm mövcud səhmdarın səhmlərinin digər investora satılmasından fərqlənir: yeni emissiya nəticəsində cəlb edilən vəsait bankın öz kapitalına daxil olur.
Bu isə, investisiyanın həcmi və yekun şərtlərindən asılı olaraq, bankın kapital bazasının genişlənməsinə və maliyyə imkanlarının artmasına şərait yarada bilər.
Hələ yekun investisiya qərarı verilməyib
Bununla belə, açıqlanan sənəd yekun investisiya müqaviləsi deyil. Tərəflər hazırda potensial investisiyanın əsas şərtlərini müəyyən edən və hüquqi öhdəlik yaratmayan Term Sheet imzalayıblar. Buna görə də hazırkı mərhələdə Oman tərəfinin “Azər-Türk Bank”da konkret neçə faiz pay əldə edəcəyi, investisiyanın məbləği və əlavə səhm emissiyasının həcmi açıqlanmayıb.
Bankın insayd məlumatı 29 sentyabr 2026-cı il tarixlidir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 9 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























