PAŞA Bank investisiya forumunda: Xarici və yerli kapitalın birləşməsi yeni imkanlar yaradır
Bəhruz Nağıyev: Banklar özəl sektorun maliyyələşdirilməsində əsas rol oynayır. Yerli və xarici kapitalın bir araya gəlməsi investisiya mühitini gücləndirirPAŞA Bankın İdarə Heyəti sədrinin müavini Bəhruz Nağıyev ikinci Azərbaycan Beynəlxalq İnvestisiya Forumunda (AIIF) iştirak edib və “Beynəlxalq maliyyə əməkdaşlığı: artım naminə tərəfdaşlıqların qurulması” mövzusunda panel müzakirəsində çıxış edib.
Prezident İlham Əliyevin himayəsi altında 25–26 sentyabr tarixlərində Bakıda keçirilən forum beynəlxalq investorları, dövlət qurumlarını, şirkətləri və maliyyə institutlarını bir araya gətirərək Azərbaycanın investisiya imkanlarının təqdim edilməsi və beynəlxalq əməkdaşlığın genişləndirilməsi üçün platforma yaradır.
Panel müzakirəsinin ilk hissəsində qlobal maliyyə mühiti və onun regiona təsiri, infrastruktur və sənaye layihələrinin maliyyələşdirilməsində beynəlxalq kapitalın rolu, inkişaf bankları və investorların iştirakı, eləcə də kredit reytinqlərinin investor etimadına təsiri müzakirə olunub. Panelin ikinci hissəsi Azərbaycanın regiondakı strateji mövqeyinə həsr edilib.
Bəhruz Nağıyev çıxışı zamanı Azərbaycanda investisiya imkanlarının qiymətləndirilməsi, investor etimadının gücləndirilməsi və özəl sektorun maliyyələşdirilməsində bankların rolu barədə fikirlərini bölüşüb. O qeyd edib ki, yerli və xarici kapitalın bir araya gəlməsi investisiya mühitinin inkişafına və biznes üçün yeni maliyyələşmə imkanlarının formalaşmasına şərait yaradır.
PAŞA Bank 2007-ci ildə yaradılıb və Azərbaycanın aparıcı korporativ maliyyə institutlarından biridir. Bank korporativ və kiçik və orta sahibkarlıq müştərilərinə investisiya bankçılığı, ticarətin maliyyələşdirilməsi, aktivlərin idarə edilməsi və digər maliyyə xidmətləri təqdim edir. Bankın əsas fəaliyyət istiqamətlərindən biri qeyri-neft sektorunun inkişafına və real sektorun maliyyə ehtiyaclarının qarşılanmasına töhfə verməkdir. PAŞA Bank Azərbaycandan əlavə, Gürcüstan və Türkiyədə də fəaliyyət göstərir.
Bank son illərdə kapital bazarlarının inkişafını strateji prioritetlərindən biri kimi müəyyənləşdirib. 2026-cı ildə PAŞA Bankın səhmlərinin İlkin Kütləvi Təklifi (IPO) uğurla başa çatıb. IPO çərçivəsində Bank daha geniş investor bazası ilə münasibətlərin inkişaf etdirilməsi və korporativ idarəetmə və şəffaflıq standartlarının daha da gücləndirilməsini hədəfləyib.
2026-cı ilin ilk yarısının nəticələrinə əsasən, PAŞA Bankın konsolidə edilmiş aktivləri 9,98 mlrd AZN, kapitalı isə 1,01 mlrd AZN təşkil edib.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır




























