Xaricdən sürətli pul köçürmələrinin sayı bir ayda 20% azalıb

2026-cı ilin Avqust ayında sürətli pul köçürmə sistemləri ilə ölkəyə daxilolmaların sayı avqustda 221,2 min olub.

Marja.az Azərbaycan Mərkəzi Bankının “Statistik bülleten”inin 2026-cı ilin avqust buraxılışına istinadən xəbər verir ki,  İyulla müqayisədə 56,2 min və ya 20,3%, 2025-ci ilin dekabrından 23,3%, ötən ilin avqustundan isə 18,5% azalma qeydə alınıb.   

Ölkəyə daxil olan sürətli pul köçürmələrinin məbləği bir ayda 115,5 milyon manat azalıb

Sürətli pul köçürmə sistemləri ilə banka daxilolmaların məbləği avqustda 133,1 milyon manat olub. İyulda məbləğ 248,6 milyon manat idi. Bir ayda 115,5 milyon manat və ya 46,5% azalma qeydə alınıb. Göstərici 2025-ci ilin dekabrından 18%, ötən ilin avqustundan 18,6% aşağıdır.  

Orta pul köçürməsi 896 manatdan 602 manata düşüb

Ölkəyə daxil olan bir sürətli pul köçürməsinin orta məbləği 601,5 manat təşkil edib. İyulda göstərici 896,3 manat idi. Aylıq azalma 294,8 manat və ya 32,9%-dir. Ötən ilin avqustundakı 603,2 manatla müqayisədə göstərici də cüzi aşağıdır.    

Xaricə pul köçürmələrinin sayı bir ayda 15% azalıb - Bankdan kənara sürətli pul köçürmələri 51,5 minə düşüb

Ölkədən kənara sürətli pul köçürmələrinin sayı avqustda 51,5 min olub. İyulla müqayisədə 9,4 min və ya 15,4%, 2025-ci ilin dekabrından 50,3%, ötən ilin avqustundan isə 20,9% azalma qeydə alınıb.     

Xaricə köçürülən pulun həcmi 38 milyon manata düşüb

Ölkədən kənara sürətli pul köçürmələrinin həcmi 38,1 milyon manat olub. İyulla müqayisədə 3,8 milyon manat və ya 9,1%, 2025-ci ilin dekabrından 9,6 milyon manat və ya 20,1% azalma qeydə alınıb. Ötən ilin avqustu ilə müqayisədə göstərici demək olar dəyişməyib.  

Xaricə bir pul köçürməsinin orta məbləği 739 manata yüksəlib

Xaricə bir sürətli pul köçürməsinin orta məbləği 739 manata çatıb. İyulla müqayisədə artım 7,3%, 2025-ci ilin dekabrı ilə müqayisədə 60,5%, ötən ilin avqustu ilə müqayisədə isə 26% təşkil edib. Eyni zamanda köçürmələrin sayı həmin müqayisələrdə azalıb.     sb-Avqust-2026

Sürətli pul köçürmələri üzrə xalis daxilolma bir ayda 54% azalıb - Ölkəyə xalis pul axını 207 milyondan 95 milyon manata düşüb

Sürətli pul köçürmələri üzrə daxilolmalarla xaricə köçürmələr arasındakı fərq avqustda 95 milyon manat olub. İyulda xalis fərq 206,7 milyon manat idi. Beləliklə, bir ayda 111,7 milyon manat və ya 54% azalma baş verib. Göstərici 2025-ci ilin dekabrından 17,1%, ötən ilin avqustundan 24,2% aşağıdır.  

Daxil olan və çıxan pul köçürmələri arasındakı nisbət kəskin zəifləyib - Hər 1 manat xaricə köçürməyə düşən daxilolma 5,9 manatdan 3,5 manata enib

Hesablamalara görə, sürətli pul köçürmələrində daxilolmaların xaricə köçürmələrə nisbəti iyuldakı 5,93 dəfədən avqustda 3,49 dəfəyə düşüb. Nisbət bir ayda təxminən 41% zəifləyib. Ötən ilin avqustunda bu göstərici 4,28 dəfə idi.   

Hər gün yeni vakansiyalar - AzVak.az-da