Əhalinin banklara 15 milyard manat borcu var - 1 milyard manata yaxın kredit "batır"

Əhalinin banklara 15 milyard manat borcu var - 1 milyard manata yaxın kredit "batır"

Bankların kredit portfeli 4,1 milyard manat böyüyüb. İstehlak kreditləri portfeli 10 milyard manatı aşıb. İstehlak kreditləri və ipoteka kreditləri daxil əhalinin banklara borcu isə 15 milyard manatı keçib. Banklarda problemli kreditlər 1 milyard manata yaxınlaşıb.

Əhalinin banklara 15 milyard manat borcu var - 1 milyard manata yaxın kredit "batır"

31 avqust 2026-cı il tarixinə bankların kredit portfeli 32 milyard 824 milyon 200 min manat təşkil edib. Bir il əvvəl (31 avqust 2025-ci il tarixində) portfel 28 milyard 704 milyon 900 min manat idi.

Marja.az Azərbaycan Mərkəzi Bankının “Statistik bülleten”inin 2026-cı ilin avqust buraxılışına istinadən xəbər verir ki, kredit portfeli 4 milyard 119 milyon 300 min manat və ya 14,4% böyüyüb.

Biznes kreditləri 2,7 milyard manat artıb

Biznes kreditləri 31 avqust 2025-ci ildə 15 milyard 91 milyon 800 min manat olduğu halda, 31 avqust 2026-cı ildə 17 milyard 822 milyon 900 min manata çatıb. Artım 2 milyard 731 milyon 100 min manat və ya 18,1% olub. Ümumi kredit portfelində biznes kreditlərinin çəkisi 54%-dən yüksəkdir.

İstehlak kreditləri 10 milyard manatı keçib

Əhaliyə verilmiş istehlak kreditlərinin həcmi 9 milyard 114 milyon 500 min manatdan 10 milyard 261 milyon 200 min manata yüksəlib. Bir ildə artım 1 milyard 146 milyon 700 min manat və ya 12,6% təşkil edib.

İpoteka kreditləri 4,74 milyard manata çatıb

Bankların ipoteka kreditləri portfeli bir il ərzində 4 milyard 498 milyon 600 min manatdan 4 milyard 740 milyon 200 min manata yüksəlib. Artım 241 milyon 600 min manat və ya 5,4% təşkil edib.

Problemli kreditlərin məbləği 155,6 milyon manat artıb

Bank sektorunda qeyri-işlək kreditlərin həcmi 31 avqust 2025-ci ildə 791 milyon 200 min manat, 31 avqust 2026-cı ildə isə 946 milyon 800 min manat təşkil edib. Məbləğ 155 milyon 600 min manat və ya 19,7% artıb. Kredit portfelində qeyri-işlək kreditlərin xüsusi çəkisi isə 2,8%-dən 2,9%-ə yüksəlib.

İş elanları AzVak.az-da

kredit portfeli bank kreditləri kredit bazarı Mərkəzi Bank problemli kreditlər qeyri-işlək kreditlər NPL bank riski biznes kreditləri sahibkarlıq kreditləri banklar biznes maliyyələşməsi ipoteka istehlak krediti əhali kreditləri bank kreditləri kredit portfeli ipoteka kreditləri mənzil krediti banklar

25.09.2026 11:57