Azərbaycan sığorta bazarında ödənişlər yığımlardan 4 dəfə sürətli artıb
Azərbaycanın sığorta bazarında 2026-cı ilin yanvar–avqust aylarında sığorta şirkətləri tərəfindən 1 milyard 115,4 milyon manat sığorta haqqı toplanıb.
Marja.az Azərbaycan Mərkəzi Bankının operativ məlumatları əsasında hesablayıb ki, 2025-ci ilin eyni dövründə sığorta yığımları 1 milyard 48,1 milyon manat təşkil etmişdi. Beləliklə, bazar üzrə yığımlar bir ildə 67,3 milyon manat və ya 6,4% artıb.
Eyni zamanda, sığorta ödənişlərində daha kəskin artım qeydə alınıb. Ödənişlər 603,4 milyon manatdan 773,2 milyon manata yüksəlib. İllik artım 169,7 milyon manat və ya 28,1% təşkil edib.
Nəticədə bazar üzrə ödənişlərin yığımlara nisbəti 2025-ci ilin yanvar–avqustundakı 57,6%-dən 2026-cı ilin eyni dövründə 69,3%-ə yüksəlib.
Bazarın konsentrasiyası da yüksək olaraq qalır. “Paşa Həyat Sığorta” və “Paşa Sığorta” birlikdə bütün sığorta haqlarının 70,9%-ni, ödənişlərin isə 76,6%-ni formalaşdırıb.
2026-cı ilin ilk 8 ayında yığımların faizlə ən yüksək artımlarından biri “Meqa Həyat Sığorta”, “İpək Yolu Sığorta”, “Atəşgah” və “Aqrar Sığorta”da qeydə alınıb. Digər tərəfdən, “Qala Sığorta”, “Azərbaycan Sənaye Sığorta”, “Qala Həyat” və “AzSığorta”da yığımlar azalıb.
Hər gün yeni vakansiyalar - AzVak.az-da
2026-cı ilin 8 aylıq nəticələrinin ən diqqətçəkən xüsusiyyəti bazarda ödənişlərin yığımlardan xeyli sürətli artmasıdır. Ümumi sığorta haqları 6,4% artdığı halda ödənişlər 28,1% yüksəlib.
Yığım dinamikasında “Meqa Həyat Sığorta” (+84,7%), “İpək Yolu Sığorta” (+56,4%), “Atəşgah” (+37,6%) və “Aqrar Sığorta” (+26,2%) yüksək artımla seçilib.
Ən böyük yığım azalması, “AtaSığorta”nın xüsusi statusu nəzərə alınmadıqda, “Qala Sığorta”da (-28,7%), “Azərbaycan Sənaye Sığorta”da (-17%), “Qala Həyat”da (-14,4%) və “AzSığorta”da (-9,2%) qeydə alınıb.
Bazarın liderləri dəyişməyib. “Paşa Həyat Sığorta” 517,9 milyon manat və 46,43% bazar payı ilə birinci, “Paşa Sığorta” 273,3 milyon manat və 24,50% payla ikinci, “Atəşgah Həyat” isə 75,1 milyon manat yığımla üçüncü yerdə qərarlaşıb.
Ən böyük struktur dəyişikliklərindən biri “Meqa Həyat Sığorta”nın yığım həcminə görə 11-ci pillədən 7-ci yerə yüksəlməsi, “Azərbaycan Sənaye Sığorta”nın isə 7-ci pillədən 11-ci yerə geriləməsidir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























