“Turkchem Azerbaijan 2027” sərgisi keçiriləcək

“Turkchem Azerbaijan 2027” sərgisi keçiriləcək

“Turkchem Azerbaijan 2027” sərgisi keçiriləcək

Türkiyə ilə Azərbaycan arasında kimya sənayesində ticarət əlaqələri güclənərkən, Artkim Group Avrasiyanın köklü kimya sərgilərindən biri olan “Turkchem” brendini Azərbaycana gətirir. Marja xəbər verir ki, “Turkchem Azerbaijan 2027” sərgisi 6–8 aprel tarixlərində Bakı Ekspo Mərkəzində keçiriləcək.

Azərbaycanın Türkiyədən kimya və kimyəvi məhsullar idxalı 2025-ci ildə 536,6 milyon dollara çatıb. 2026-cı ilin ilk altı ayında isə bu göstərici əvvəlki ilin müvafiq dövrü ilə müqayisədə 3,3% artaraq 268,3 milyon dollar təşkil edib.

Azərbaycanın rəsmi investisiya və ixracın təşviqi qurumu AZPROMO-nun dəstəyi ilə keçiriləcək “Turkchem Azerbaijan” sərgisinin Türkiyə, Azərbaycan, Qafqaz və Mərkəzi Asiya arasında yeni ticarət, investisiya və texnologiya əməkdaşlıqlarının genişlənməsinə töhfə verməsi hədəflənir.

Güclü enerji infrastrukturu, inkişaf edən sənaye investisiyaları, xammal ehtiyatları və investisiya təşviqləri ilə seçilən Azərbaycan Türkiyə, Qafqaz, Xəzər hövzəsi və Mərkəzi Asiyanı əhatə edən təxminən 300 milyon nəfərlik bazara çıxış imkanı verən strateji mövqeyi ilə diqqət çəkir.

Sumqayıt Kimya Sənaye Parkında hazırda 39 investor fəaliyyət göstərir. Parka yatırılmış investisiyaların həcmi 5,5 milyard manatı ötüb. Burada 6 min 200-dən çox insan işlə təmin olunub, istehsal edilən məhsullar isə 70-dən artıq ölkəyə ixrac edilir.

Artkim Group-un təsisçisi və baş icraçı direktoru Ahmet Güler bildirib ki, “Turkchem”in beynəlxalq genişlənmə yolunda ilk addımının məhz Azərbaycanda atılması təsadüfi deyil.

“Türkiyə ilə güclü ticarət əlaqələri, inkişaf edən sənaye infrastrukturu, eləcə də Qafqaz və Mərkəzi Asiya bazarlarına çıxış baxımından strateji mövqeyi səbəbindən ‘Turkchem’in beynəlxalq böyümə yolunda ilk addımını Azərbaycanda atmağa qərar verdik. Bu istiqamətdə ‘Turkchem’in Türkiyədə formalaşdırdığı güclü ekosistemi indi Azərbaycana daşıyırıq”, – Ahmet Güler deyib.

Güler əlavə edib ki, “Turkchem Azerbaijan” vasitəsilə həm “Turkchem” brendinin beynəlxalq təsir dairəsini genişləndirmək, həm də Türkiyənin kimya sənayesini yeni bazarlara çıxarmaq planlaşdırılır.

İş elanları AzVak.az-da

Artkim Group Turkchem Turkchem Azerbaijan Turkchem Azerbaijan 2027 Bakı Ekspo Mərkəzi kimya sərgisi kimya sənayesi Azərbaycan kimya sənayesi Türkiyə kimya sənayesi Azərbaycan-Türkiyə ticarəti kimyəvi məhsullar kimyəvi maddələr idxalı Türkiyədən idxal 536 6 milyon dollar 268 3 milyon dollar AZPROMO investisiya təşviqi ixracın təşviqi sənaye investisiyaları kimya sektoruna investisiya Qafqaz bazarı Mərkəzi Asiya bazarı Xəzər hövzəsi 300 milyonluq bazar Sumqayıt Kimya Sənaye Parkı sənaye parkı 5 5 milyard manat investisiya 39 investor 6 min 200 iş yeri 70-dən çox ölkəyə ixrac Ahmet Güler Artkim Group CEO beynəlxalq sərgi ticarət əməkdaşlığı texnologiya əməkdaşlığı investisiya əməkdaşlığı Türkiyə-Azərbaycan iqtisadi əlaqələri Bakı sərgiləri kimya sektoru sənaye infrastrukturu xammal ehtiyatları ixrac bazarları

14.08.2026 09:19