Rusiyanın xarici ticarət profisiti 73,4 milyard dollara çatıb
Rusiyanın xarici ticarət profisiti bu ilin yanvar–iyun aylarında ötən ilin eyni dövrü ilə müqayisədə 14% artaraq 73,4 milyard dollara yüksəlib.
Rusiya Federal Gömrük Xidməti yanvar–iyun ayları üzrə xarici ticarət göstəricilərini açıqlayıb.
Marja xəbər verir ki, hesabat dövründə Rusiyanın ixracı ötən ilin eyni dövrü ilə müqayisədə 23,2 milyard dollar artaraq 219,5 milyard dollara, idxalı isə 14,2 milyard dollar yüksələrək 146,1 milyard dollara çatıb.
Beləliklə, ölkənin xarici ticarət dövriyyəsi 11,4% artaraq 365,6 milyard dollar təşkil edib. Xarici ticarət profisiti isə 14% yüksələrək 73,4 milyard dollar olub.
Rusiyanın Avropa ölkələrinə ixracı 5,6% azalaraq 28 milyard dollara düşüb, bu ölkələrdən idxalı isə 8,7% artaraq 37,1 milyard dollara çatıb.
Ölkənin Asiya dövlətlərinə ixracı 17,2% artaraq 174,9 milyard dollara, həmin region ölkələrindən idxalı isə 12,6% yüksələrək 98,9 milyard dollara çatıb.
Afrika ölkələri ilə ticarət zəifləyib
Rusiyanın Afrika ölkələrinə ixracı 1,1% artaraq 10,7 milyard dollara yüksəlib, bu ölkələrdən idxalı isə 9,9% azalaraq 2,2 milyard dollara düşüb.
Rusiyanın Şimali və Cənubi Amerika ölkələrinə ixracı 12,1% azalaraq 5,7 milyard dollar təşkil edib. Həmin ölkələrdən idxal isə 4,6% artaraq 7,9 milyard dollara çatıb.
Məlumata əsasən, Rusiyanın əsas ixrac məhsullarını 120,7 milyard dollarlıq göstərici ilə mineral xammal və mineral məhsullar təşkil edib. Əsas idxal kateqoriyası isə 70,9 milyard dollara çatan maşın, avadanlıq və nəqliyyat vasitələri olub.
Xatırladaq ki, Rusiyanın xarici ticarət profisiti 2025-ci ildə əvvəlki illə müqayisədə 8,2% azalaraq 139,3 milyard dollara düşmüşdü.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
6 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
7 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
7 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
8 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 8 saat əvvəl
- 8 saat əvvəl
-
8 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
8 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 11 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























