(®) İdman sponsorluğu bu gün şirkətlər üçün təkcə sosial məsuliyyət təşəbbüsü deyil, eyni zamanda uzunmüddətli brend strategiyasının vacib elementlərindən biri hesab olunur. Azərbaycanda premium mebel istehsalı sahəsində fəaliyyət göstərən Gardashlar Mebel beş ildir davam etdirdiyi tennis sponsorluğu ilə bu yanaşmanın uğurlu nəticələrini nümayiş etdirir.

Şirkət tərəfindən həyata keçirilən sponsorluq strategiyası çərçivəsində müxtəlif tennis turnirləri, liqalar və xüsusi tədbirlərə dəstək göstərilib. Bu müddət ərzində iştirakçılar üçün xüsusi hazırlanmış loqolu tennis köynəkləri, brendinq edilmiş tennis kortu, turnirlər üçün jurnal və digər çap materialları hazırlanıb. Bununla yanaşı, televiziya reklamları, beynəlxalq tennis turnirlərinin yayımı zamanı reklam inteqrasiyaları və müxtəlif kommunikasiya layihələri vasitəsilə brendin görünürlüğü davamlı şəkildə gücləndirilib. Şirkətin əsas məqsədi sponsorluğa yalnız loqonun nümayiş etdirilməsi kimi deyil, tennis ekosisteminin ayrılmaz hissəsinə çevriləcək uzunmüddətli investisiya kimi yanaşmaq olub. Beş il ərzində həyata keçirilən bu strategiya nəticəsində Gardashlar Mebel tennis ictimaiyyəti arasında tanınan və etibar edilən brendlərdən birinə çevrilib.

Sponsorluğun diqqətçəkən nəticələrindən biri isə təbii kommunikasiya effektidir. İllər ərzində tennis həvəskarları, şirkətin tərəfdaşları və müxtəlif kontent yaradıcıları tərəfindən paylaşılan yüzlərlə foto və videoda Gardashlar Mebelin loqosu reklam məqsədi daşımadan yer alıb. Beləliklə, brend insanların idman xatirələrinin və gündəlik paylaşımlarının təbii bir hissəsinə çevrilərək əlavə media büdcəsi olmadan geniş görünürlük əldə edib.

Gardashlar Mebelin tennisə verdiyi davamlı dəstək tərəfdaşları tərəfindən də yüksək qiymətləndirilib. Şirkətin uzunmüddətli əməkdaşlıq etdiyi Tennis.az tərəfindən Gardashlar Mebelin idmanın inkişafına verdiyi töhfəyə görə təşəkkür məktubu təqdim olunub. Təltif şirkətin rəhbəri Əli Mirzəyevə təqdim edilərək, uzun illər davam edən uğurlu tərəfdaşlığın və idmanın inkişafına göstərilən dəstəyin rəmzi kimi qiymətləndirilib.

Gardashlar Mebelin Marketinq və Kommunikasiya direktoru Arzu Salman bildirib ki, şirkət üçün sponsorluq qısamüddətli reklam kampaniyasından daha çox, uzunmüddətli brend investisiyasıdır:

"Biz sponsorluğa yalnız görünürlük əldə etmək vasitəsi kimi baxmırıq. Məqsədimiz hədəf auditoriyamızın olduğu mühitdə uzun illər ərzində davamlı şəkildə təmsil olunmaq, etibarlı brend mövqeyi formalaşdırmaq və idmanın inkişafına real töhfə verməkdir. Son beş ilin nəticələri göstərir ki, uzunmüddətli yanaşma həm brendimizin tanınırlığını artırıb, həm də dəyərli tərəfdaşlıqların formalaşmasına zəmin yaradıb."

Gardashlar Mebel bundan sonra da idmanın inkişafına dəstək verən layihələrdə iştirakını davam etdirməyi və sosial məsuliyyətlə yanaşı, uzunmüddətli brend dəyəri yaradan təşəbbüslərə investisiya etməyi planlaşdırır.

İş elanları AzVak.az-da