Dolları olan investorlar üçün yeni fürsət – İllik 8 faiz gəlir
“Unibank” 5 milyon dollarlıq istiqrazı hərraca çıxarır – ŞƏRTLƏR“Unibank Kommersiya Bankı” ASC 5 milyon ABŞ dolları məbləğində istiqrazları yerləşdiriləcək. Qiymətli kağızların yerləşdirilməsi üzrə hərrac 11 avqust 2026-cı il tarixində Bakı Fond Birjasında keçiriləcək.
Marja.az Bakı Fond Birjasına istinadən xəbər verir ki, emissiya çərçivəsində hər birinin nominal dəyəri 100 ABŞ dolları olan 50 min ədəd istiqraz investorlara təklif ediləcək.
İstiqrazlar faizli, təmin edilməmiş, sənədsiz və adlı qiymətli kağızlardır. Yerləşdirmə kütləvi və birqiymətli hərrac üsulu ilə həyata keçiriləcək.
İnvestorlara hər üç aydan bir gəlir ödəniləcək
“Unibank”ın istiqrazları üzrə illik gəlirlilik 8 faiz, tədavül müddəti isə 6 ildir. Faiz gəlirləri qiymətli kağızların yerləşdirildiyi tarixdən başlayaraq hər üç aydan bir ödəniləcək. Hesablamalar zamanı ayda günlərin sayı 30 gün götürüləcək.
İstiqrazların nominal dəyərlə yerləşdirildiyi nəzərə alınarsa, bir qiymətli kağız üzrə illik gəlir 8 dollar, hər üç aydan bir ödəniləcək gəlir isə 2 dollar təşkil edəcək.
Emissiya tam yerləşdirildiyi halda “Unibank” investorları hər il ümumilikdə 400 min dollar, hər üç aydan bir isə 100 min dollar faiz gəliri ilə təmin edəcək. İstiqrazların bütün 6 illik tədavül müddəti üzrə ümumi faiz ödənişləri 2 milyon 400 min dollara çata bilər. Müddətin sonunda 5 milyon dollarlıq əsas borc investorlara geri qaytarılacaq.
İstiqrazlara ticarət icazəsi verilib
Bakı Fond Birjasının Listinq Komitəsinin 25 iyun 2026-cı il tarixli qərarı ilə “Unibank”ın istiqrazlarının ticarətə buraxılması üçün icazə verilib.
Qiymətli kağızların dövlət qeydiyyat nömrəsi AZ2019002024-dür. Emissiyanın anderrayteri “Unicapital İnvestisiya Şirkəti” ASC-dir.
Dollarla buraxılan istiqrazlar “Unibank”a 6 il müddətinə alternativ maliyyələşmə mənbəyi cəlb etmək imkanı verəcək. İnvestorlar isə təminatsız qiymətli kağızlara yatırım müqabilində ABŞ dollarında sabit və rüblük faiz gəliri əldə edə biləcəklər.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























