Azərbaycan banklarının 4,6 milyard manat sərbəst vəsaiti var – Kreditləşməyə yönəldilə bilər
2026-cı ilin iyun ayının sonuna Azərbaycanın bank sektorunun sərbəst vəsaitlərinin həcmi 4,6 milyard manat təşkil edib.
Marja xəbər verir ki, bunu Azərbaycan Mərkəzi Bankının sədri Taleh Kazımov faiz dəhlizinin parametrləri ilə bağlı keçirilən mətbuat konfransında bildirib.
Onun sözlərinə görə, bank sektoru yüksək izafi likvidlik şəraitində fəaliyyətini davam etdirir. Məcburi ehtiyatlar nəzərə alınmadan sektorun struktur likvidliyi 6 milyard manat təşkil edir.
“Banklar Mərkəzi Bankın likvidliklə bağlı bütün tələblərini yerinə yetirir. Bu tələblər nəzərə alındıqdan sonra bank sektorunun 4,6 milyard manat sərbəst vəsaiti qalır. Banklar bu vəsaitləri həm kapital bazarlarına, həm də kreditləşməyə yönəldə bilərlər”, – Taleh Kazımov bildirib.
Depozit faizləri azalıb
AMB sədrinin sözlərinə görə, 2025-ci ilin iyun ayı ilə müqayisədə fiziki şəxslərdən yeni cəlb edilmiş depozitlər üzrə faiz dərəcələri 0,5 faiz bəndi azalıb. Hüquqi şəxslərin yeni depozitləri üzrə faiz dərəcələrində isə 0,3 faiz bəndi azalma qeydə alınıb.
Kredit faizlərində də enmə var
Eyni dövrdə fiziki şəxslərə yeni verilmiş kreditlər üzrə faiz dərəcələri 0,2 faiz bəndi, hüquqi şəxslərə verilmiş yeni kreditlər üzrə faizlər isə 0,3 faiz bəndi aşağı düşüb.
Taleh Kazımov bildirib ki, depozit və kredit faizlərinin azalması Mərkəzi Bankın əvvəlki qərarlarının maliyyə bazarına ötürülməsini göstərir.
AMB 2025-ci il ərzində uçot dərəcəsini ümumilikdə 0,75 faiz bəndi aşağı salıb. Mərkəzi Bank sədrinin sözlərinə görə, bu yumşalma bankların depozit və kredit faizlərinə də azaldıcı təsir göstərib.
AZIR uçot dərəcəsinə yaxın idarə olunur
Taleh Kazımov qeyd edib ki, Mərkəzi Bankın pul siyasətində əsas istinad göstəricilərindən biri AZIR – Azərbaycan Banklararası Faiz Dərəcəsidir. AZIR göstəricisi Mərkəzi Bankın uçot dərəcəsi ətrafında idarə olunur. Bu, pul siyasəti qərarlarının banklararası bazara və sonrakı mərhələdə depozit və kredit faizlərinə ötürülməsi baxımından əsas göstəricilərdən hesab edilir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
9 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
10 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 13 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























