Norm Ustalar Klubunun üzvləri “İnşaat ustası” sertifikatı ilə təltif ediliblər

Norm Ustalar Klubunun üzvləri “İnşaat ustası” sertifikatı ilə təltif ediliblər

Norm Ustalar Klubunun üzvləri “İnşaat ustası” sertifikatı ilə təltif ediliblər

(®) Norm Ustalar Klubu üzvlərinin Təhsildə Keyfiyyət Təminatı Agentliyi (TKTA) tərəfindən təltifetməsi həyata keçirilib.

Tədbirdə qeyri-formal və informal təhsilin tanınması üzrə imtahanlara cəlb olunan və hər iki mərhələni uğurla tamamlayan 24 ustaya “İnşaat ustası” ixtisasını təsdiq edən sertifikatlar təqdim olunub. Sertifikatların təqdimetmə mərasimi Təhsildə Keyfiyyət Təminatı Agentliyinin inzibati binasında keçirilib və tədbirdə agentliyin idarə heyətinin sədri Tural Əhmədov və Norm şirkətinin Maliyyə və strategiya üzrə baş icraçı direktorunun müavini Elvin Mirzəyev də iştirak ediblər.

VTB-də minimal faiz dərəcəsi ilə nağd kredit 9.9%-dən

Çıxışlar zamanı TKTA ilə Norm arasında imzalanmış Əməkdaşlıq Memorandumunun uğurla icra olunduğu, əməkdaşlığın ildən-ilə genişləndiyi vurğulanıb. Qeyd edilib ki, artıq ikinci dəfə təşkil olunan sertifikatlaşdırma prosesi və bu il daha çox ustanın proqrama cəlb edilməsi tərəfdaşlığın davamlı inkişafının göstəricisidir.

Tədbirdə qeyri-formal və informal təhsilin tanınmasının peşəkar bacarıqların rəsmi şəkildə təsdiqlənməsindəki rolu, bu istiqamətdə ölkədə həyata keçirilən işlər və beynəlxalq təcrübə barədə ətraflı məlumat verilib. Daha sonra ustaların sualları cavablandırılıb, fikir mübadiləsi aparılıb və mərasimin sonunda sertifikatlar sahiblərinə təqdim edilib.

Norm və Təhsildə Keyfiyyət Təminatı Agentliyi arasında əməkdaşlığın gələcək dövrdə də genişləndirilməsi və müxtəlif istiqamətlərdə yeni layihələrin həyata keçirilməsi nəzərdə tutulur.

“Norm” ASC 10-dan çox ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupu olan “NEQSOL Holding”in tərkibinə daxildir.

İş elanları AzVak.az-da

Norm Ustalar Klubu Norm ASC Təhsildə Keyfiyyət Təminatı Agentliyi TKTA inşaat ustaları ustaların sertifikatlaşdırılması peşəkar sertifikat qeyri-formal təhsil informal təhsil təhsilin tanınması peşə bacarıqları inşaat ustası ixtisası sertifikat təqdimetmə mərasimi Əməkdaşlıq Memorandumu peşə təhsili ustaların peşəkarlığı tikinti sektoru peşə ixtisaslarının tanınması Tural Əhmədov Elvin Mirzəyev Norm və TKTA əməkdaşlığı NEQSOL Holding yeni təhsil layihələri.

27.07.2026 11:15