Azərbaycandakı banklar 2026-cı ilin ilk 6 ayı (yanvar-iyun) üzrə maliyyə göstəricilərini açıqlayırlar. 

Marja.az xəbər verir ki, artıq 21 bankdan 20-si maliyyə göstəricilərini açıqlayıb. Maliyyə göstəricilərini açıqlamış bankların hamısı 2026-cı ili birinci yarısını xalis mənfəətlə başa vurublar.

Tezliklə qalan 1 bankın da maliyyə göstəricilərini açıqlayacağı gözlənilir.

Hər gün yeni vakansiyalar - AzVak.az-da

Azərbaycandakı bankların 2026-cı ilin yanvar–iyun ayları üzrə xalis mənfəət sıralaması:

Yeni iş axtarırsınız? Azvak.az veb-saytına baxa bilərsiniz

20 bank ilk yarıda 718,5 milyon manat qazanıb – mənfəətin 66 faizi 2 bankın payına düşüb

Azərbaycanda fəaliyyət göstərən banklar 2026-cı ilin yanvar–iyun ayları üzrə maliyyə nəticələrini açıqlamağa davam edirlər. İndiyədək xalis mənfəət göstəricisini təqdim edən 20 bank ilk yarımili ümumilikdə 718 milyon 549 min manat xalis mənfəətlə başa vurub.

Marja.az bankların açıqladığı maliyyə hesabatlarına istinadən xəbər verir ki, mənfəət reytinqinə 250 milyon 556 min manat göstərici ilə ABB başçılıq edir. Kapital Bank 221 milyon 790 min manat xalis mənfəətlə ikinci, PAŞA Bank isə 67 milyon 747 min manatla üçüncü yerdə qərarlaşıb.

Mənfəətin üçdəikisi iki bankda cəmləşib

ABB və Kapital Bankın 2026-cı ilin ilk 6 ayı üzrə ümumi xalis mənfəəti 472 milyon 346 min manat təşkil edib. Bu məbləğ nəticələrini açıqlayan 20 bankın ümumi mənfəətinin 65,7 faizinə bərabərdir.

İlk üçlükdə yer alan ABB, Kapital Bank və PAŞA Bankın birlikdə xalis mənfəəti isə 540 milyon 93 min manata çatıb. Beləliklə, bankların açıqladığı ümumi qazancın 75,2 faizi yalnız üç bankın payına düşüb.

Bank Respublika 4-cü yerdədir

Bank Respublika 34 milyon 500 min manat xalis mənfəətlə banklar arasında dördüncü yerdə qərarlaşıb. Bankın mənfəəti 2025-ci ilin müvafiq dövrü ilə müqayisədə 23,7 faiz artıb.

AccessBank 28 milyon 97 min manat xalis mənfəətlə beşinci olub. İlk beş bankın ümumi mənfəəti 602 milyon 690 min manat təşkil edib. Bu, xalis mənfəətini açıqlayan bankların ümumi nəticəsinin 83,9 faizidir.

Orta qrupda rəqabət güclənib

Unibank 17 milyon 200 min manat xalis mənfəətlə altıncı, Bank of Baku 16 milyon 76 min manatla yeddinci sırada yer alıb.

Xalq Bankın xalis mənfəəti 13 milyon 489 min manat, Yelo Bankın 12 milyon 604 min manat, Ziraat Bank Azərbaycanın isə 11 milyon 591 min manat təşkil edib. Beləliklə, ilk yarımildə xalis mənfəəti 10 milyon manatı ötən bankların sayı 10-a çatıb.

Premium Bank 9 milyon 326 min manat, Expressbank isə 7 milyon 397 min manat xalis mənfəət açıqlayıb. 

Beş bankın mənfəəti 5–6 milyon manat intervalındadır

Bank VTB (Azərbaycan) 2026-cı ilin yanvar–iyun aylarını 5 milyon 826 min manat xalis mənfəətlə başa vurub. Rabitəbankın mənfəəti 5 milyon 604 min manat, Turanbankın mənfəəti isə 5 milyon 14 min manat olub.

Yapı Kredi Bank Azərbaycan 4 milyon 788 min manat, Azərbaycan Sənaye Bankı 3 milyon 444 min manat, Bank Melli İranın Bakı filialı isə 2 milyon 324 min manat xalis mənfəət əldə edib.

Ən aşağı mənfəət AFB Bankda qeydə alınıb

Bank Avrasiyanın ilk yarımil üzrə xalis mənfəəti 939 min manat təşkil edib.

Maliyyə nəticələrini açıqlayan banklar arasında ən aşağı göstərici AFB Bankda qeydə alınıb. Bank 2026-cı ilin ilk 6 ayını 237 min manat xalis mənfəətlə tamamlayıb.

Azər-Türk Bankın 2026-cı ilin yanvar–iyun ayları üzrə maliyyə nəticələrini açıqlayacağı gözlənilir. Bu səbəbdən bank sektoru üzrə yekun mənfəət məbləğinin daha da artacağı ehtimal olunur.

Açıqlanan nəticələr Azərbaycan bank sektorunda gəlirliliyin yüksək səviyyədə təmərküzləşdiyini göstərir. Ümumi mənfəətin təxminən üçdəikisi ABB və Kapital Bankın, dörddəüçündən çoxu isə ABB, Kapital Bank və PAŞA Bankın payına düşür.

İri bankların yüksək aktiv bazası, geniş kredit portfeli, komissiya gəlirləri və əməliyyat miqyası mənfəət göstəricilərində ciddi üstünlük yaradır. Bununla yanaşı, Bank Respublika, AccessBank, Unibank və Bank of Baku kimi bankların nəticələri sektorun orta seqmentində də gəlirliliyin və rəqabətin gücləndiyini göstərir.

Hazırkı göstəricilər ilkin xarakter daşıyır. Azər-Türk Bankın nəticələri açıqlandıqdan sonra bank sektorunun ilk yarımil üzrə ümumi xalis mənfəət göstəricisi və yekun sıralama yenilənəcək.

İş elanları AzVak.az-da