Bakıda ilk dəfə “Africa Week” – Afrika Həftəsi keçirilir
Afrikadan gətirilən qəhvə, kakao, çay, meyvələr və digər məhsullar Bakıda sərgidə. Böyük maraqla qarşılanır.Bakıda ilk dəfə olaraq “Africa Week” – Afrika Həftəsi beynəlxalq layihəsinə start verilib. Layihə “Africa–Azerbaijan Cooperation” təşkilatı tərəfindən təşkil olunur və Azərbaycan ilə Afrika ölkələri arasında iqtisadi, ticarət, investisiya, kənd təsərrüfatı, təhsil, səhiyyə və mədəni əməkdaşlığın inkişafına xidmət edir.
“Africa Week” çərçivəsində Caspian Agro Week beynəlxalq kənd təsərrüfatı sərgisində ilk dəfə olaraq Afrika Pavilyonu təşkil olunub. Pavilyonda Afrika ölkələrinin məhsulları, kənd təsərrüfatı və qida sənayesi məhsulları nümayiş etdirilir. Tədbir çərçivəsində həmçinin ilk Azərbaycan–Afrika Biznes Paneli keçirilir, istehsal müəssisələrinə səfərlər təşkil olunur, tibbi turizm və təhsil mübadiləsi sahələrində əməkdaşlıq imkanları müzakirə edilir.
Afrika Pavilyonunu Azərbaycan Respublikasının Prezidenti İlham Aliyev və ailə üzvləri ziyarət edib, pavilyon iştirakçıları ilə görüşərək xatirə şəkli çəkdiriblər. Bu hadisə layihə iştirakçıları tərəfindən böyük maraq və yüksək qiymətləndirmə ilə qarşılanıb.
Tədbirin önəmli qonaqları sırasında aşağıdakı şəxslər yer alır:
• Dr. Amany Asfour — Afrika Biznes Şurasının Prezidenti
• Charles Kahuthu — Afrika Biznes Şurasının vitse-prezidenti, eyni zamanda Şərqi Afrika Ticarət, Sənaye və Kənd Təsərrüfatı Palatasının (EACCIA) CEO-su və Regional Koordinatoru
• Sonia Toro — 2022-ci ildən etibarən Avropa–Afrika Ticarət Palatasının (EUACC) İcraçı Direktoru
• Adeshola Helen Onadipe — Afrika–Ərəb Qadınlar Ticarət Palatasının Prezidenti
• Alexander Kofi-Mensah Mould —Millennium Development Authority (MiDA) təşkilatının Baş icraçı direktoru
İlk dəfə olaraq Afrikanın 11 ölkəsindən 50-dən çox iş adamının iştirak etdiyi “Africa Week” tədbirləri böyük coşğu və maraqla davam edir. Afrika ölkələrindən gətirilən müxtəlif növ qəhvə, kakao, çay, meyvələr və digər məhsullar sərgidə nümayiş olunur və ziyarətçilər tərəfindən böyük maraqla qarşılanır.
Eyni zamanda, Afrikadan gələn sahibkarlar sərgidə iştirak edən digər şirkət və pavilyonlarla yaxından tanış olur, Azərbaycan istehsalı olan məhsulların Afrika bazarına ixrac imkanları ilə maraqlanırlar. Görüşlər çərçivəsində gələcək əməkdaşlıq, idxal-ixrac əlaqələri və birgə layihələr üzrə müzakirələr aparılır.
“Africa–Azerbaijan Cooperation” təşkilatının təsisçisi Rəna Qəfərova bildirib ki, “Africa Week” gələcək illərdə Azərbaycan ilə Afrika ölkələri arasında iqtisadi və humanitar əlaqələrin genişlənməsinə mühüm töhfə verəcək beynəlxalq platformaya çevriləcəkdir.
Əlaqə:
Africa–Azerbaijan Cooperation
www.afazchamber.com
E-mail: info@afazchamber.com
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
6 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
6 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
7 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
8 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 8 saat əvvəl
- 8 saat əvvəl
-
8 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
8 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 11 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























