Azərbaycanda doğulan körpə sayı azalıb, ölüm halı artıb

2026-cı ilin yanvar ayı ərzində ölkədə 7 min 788 doğulan körpə, 6 min 243 ölüm halı qeydə alınıb. Ölkə əhalisinin sayı yavarda 1689 nəfər artıb.

Azərbaycanda doğulan körpə sayı azalıb, ölüm halı artıb

Ölkə əhalisinin sayı ilin əvvəlindən 1689 nəfər və ya 0,02 faiz artaraq 2026-cı il fevral ayının 1-i vəziyyətinə 10 milyon 264 min 40 nəfərə çatmışdır.

Bu barədə Marja.az Dövlət Statistika Komitəsinin aylıq hesabatına istinadən xəbər verir.

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin məlumatına görə, Azərbaycan Respublikası Prezidentinin 2022-ci il 16 noyabr tarixli 3587 nömrəli Sərəncamı ilə təsdiq edilmiş “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na əsasən 01.03.2026-cı il tarixədək işğaldan azad edilmiş ərazilərə 29 min 185 nəfər keçmiş məcburi köçkün geri qayıtmış, bununla da işğaldan azad edilmiş ərazilərdə yaşayan, fəaliyyət göstərən və təhsil alan şəxslərin ümumi sayı 77 min 906 nəfər təşkil etmişdir.

Ölkə əhalisinin 54,3 faizini şəhər, 45,7 faizini kənd sakinləri, 49,8 faizini kişilər, 50,2 faizini isə qadınlar təşkil edir.

Bu ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 7 min 788 doğulan körpə qeydə alınmış və 2025-ci ilin müvafiq dövrü ilə müqayisədə əhalinin hər 1000 nəfərinə bu göstərici azalaraq 9,9-dan 8,9-a düşmüşdür. Doğulan körpələrin 54,2 faizi oğlan uşaqları, 45,8 faizi isə qız uşaqları olmuşdur. Körpələrin 286-sı əkiz doğulmuşdur.

Cari ilin yanvar ayı ərzində ölkədə 6 min 243 ölüm halı qeydə alınmış və 2025-ci ilin müvafiq dövrü ilə müqayisədə əhalinin hər 1000 nəfərinə bu göstərici 6,6-dan 7,2-yə qədər artmışdır.

Ədliyyə Nazirliyinin rayon (şəhər) qeydiyyat şöbələri tərəfindən 2026-cı ilin ilk ayında 2922 nikaha daxilolma və 1779 boşanma halları qeydə alınmış və 2025-ci ilin müvafiq dövrü ilə müqayisədə əhalinin hər 1000 nəfərinə nikahların sayı azalaraq 5,4-dən 3,4-ə, boşanmaların sayı isə 2,1-dən 2,0-a düşmüşdür.

Azərbaycan əhalisi 2026 Azərbaycan əhali sayı fevral 2026 Dövlət Statistika Komitəsi əhali statistikası əhali artımı 0.02 faiz Azərbaycan demoqrafiya göstəriciləri Böyük Qayıdış proqramı işğaldan azad edilmiş ərazilərə qayıdış məcburi köçkünlərin geri dönüşü 2026 Qaçqınların və Məcburi Köçkünlərin İşləri üzrə Dövlət Komitəsi məlumatı şəhər və kənd əhalisi bölgüsü kişi və qadın nisbəti Azərbaycan doğum statistikası 2026 yanvar doğum səviyyəsi azalması ölüm halları statistikası Azərbaycan ölüm göstəricisi artımı nikah və boşanma statistikası 2026 nikah sayında azalma boşanma göstəriciləri Azərbaycan demoqrafik vəziyyət Azərbaycan sosial statistika 2026 əhali artımı və doğum göstəriciləri

19.03.2026 08:43