Azercell-in dəstəyi ilə “FutureFem 2.0” layihəsinə start verilib

Azercell-in dəstəyi ilə “FutureFem 2.0” layihəsinə start verilib

Proqram 100 tələbə qızın sahibkarlıq və liderlik bacarıqlarının inkişafına töhfə verəcək

Azercell-in dəstəyi ilə “FutureFem 2.0” layihəsinə start verilib

(®) Azercell-in dəstəyi ilə həyata keçirilən “FutureFem 2.0 - Qadınların Sahibkarlıq və İnnovasiya Potensialının Gücləndirilməsi” layihəsinin açılış mərasimi keçirilib.

Layihə Azercell-in qadınların sosial və iqtisadi inkişafının dəstəklənməsinə yönəlmiş “Həyatı daha dolğun edirik:qadınlara dəstək proqramı” çərçivəsində qalib seçilən təşəbbüslərdən biridir və “Bir Könüllü” Tələbələrin Əməkdaşlığı İctimai Birliyi tərəfindən icra olunur. “FutureFem 2.0” layihəsi gənc qadınların sahibkarlıq, innovasiya və texnologiya sahələrində bilik və bacarıqlarının inkişaf etdirilməsini hədəfləyir.

Qeyd edək ki, “FutureFem 2.0” layihəsi mart-may ayları ərzində həyata keçiriləcək üç aylıq inkişaf proqramıdır və 100 tələbə qızı əhatə edir. Layihə ümumilikdə 6 əsas mərhələdən və 8 təlim modulundan ibarətdir. Proqram çərçivəsində iştirakçılar sahibkarlığın əsasları, maliyyə savadlılığı, marketinq, innovativ düşüncə, rəqəmsal transformasiya, liderlik və effektiv kommunikasiya istiqamətlərində praktiki bilik və bacarıqlar əldə edəcəklər. Təlimlər müvafiq sahələr üzrə ekspertlərin iştirakı ilə keçiriləcək. İştirakçılar 33, 33 və 34 nəfərdən ibarət üç qrupa bölünərək rotasiya prinsipi əsasında hər mövzu üzrə iki həftəlik təlim modullarında iştirak edəcəklər.

Layihənin sonunda keçiriləcək “FutureFem Challenge” mərhələsində iştirakçılar innovasiya və sahibkarlıq yönümlü ideyalarını ekspertlər və münsiflər heyəti qarşısında təqdim edəcəklər. Müsabiqədə təqdim olunan ideyalar BMT-nin Dayanıqlı İnkişaf Məqsədlərinə uyğun qiymətləndiriləcək və ən uğurlu komandalar əlavə mentorluq və inkişaf imkanları qazanacaqlar.

Layihə Azərbaycan Dövlət Neft və Sənaye Universitetinin təşkilatçılığı ilə reallaşdırılır.

Azercell FutureFem 2.0 layihəsi qadınların sahibkarlıq və innovasiya potensialı tələbə qızların liderlik bacarıqları Azercell qadınlara dəstək proqramı Bir Könüllü Tələbələrin Əməkdaşlığı İctimai Birliyi gənc qadınların sahibkarlıq təlimi maliyyə savadlılığı və marketinq təlimləri rəqəmsal transformasiya və innovativ düşüncə liderlik və effektiv kommunikasiya bacarıqları 100 tələbə qız üçün inkişaf proqramı FutureFem Challenge müsabiqəsi BMT Dayanıqlı İnkişaf Məqsədləri layihələri mentorluq və inkişaf imkanları Azərbaycan Dövlət Neft və Sənaye Universiteti layihəsi gənc qadınların texnologiya və biznes sahəsində inkişafı.

12.03.2026 17:09