Azərbaycanın iri bankının sədri Davos təəssüratlarını paylaşdı
ABB-nin İdarə Heyətinin sədri Abbas İbrahimov sosial media səhifəsində Davos təəssüratlarını paylaşıb.
Aktivlərinin həcminə görə, Azərbaycanın ən böyük bankının İdarə Heyətinin sədri bildirib:
"Bu il ilk dəfə Dünya İqtisadi Forumunda (World Economic Forum) iştirakçı oldum və Davosda keçirilən bu mötəbər tədbirdə ABB-ni təmsil etdim. Müxtəlif sessiyalarla, ikitərəfli görüş və müzakirələrlə zəngin, çox məhsuldar bir həftə keçdi.
Forumun ən unudulmaz, qürurverici anlarından biri Azərbaycan Respublikasının Prezidenti cənab İlham Əliyevin panel çıxışı idi. Dövlət rəhbərimiz mükəmməl sülh gündəliyi, ölkəmizin və regionumuzun gələcəyinə strateji baxışı ilə bölgənin aydın iqtisadi-siyasi vizyonunu formalaşdırdı.
Davos təəssüratlarımda xüsusi yer tutan bir neçə digər məqamı da bölüşüm.
- BlackRock-un CEO-su Larry Finkin Süni İntellekt və texnologiya biznesinin üç qlobal lideri - Jensen Huang (NVIDIA), Elon Musk (Tesla / SpaceX / xAI) və Alex Karpla (Palantir) ayrı-ayrılıqda apardığı müsahibələrdən özüm üçün belə bir nəticə çıxardım ki, Süni İntellektin yaratdığı əsas təsir fərqi insanlar və maşınlar arasında olmayacaq. Süni İntellekti artıq geniş miqyasda tətbiq edən iqtisadiyyatlarla onun tətbiqində hələ də tərəddüd hissi keçirənlər arasında olacaq. İcra və idarəetmə indi ideyalardan da, kapital qoyuluşu imkanlarından da daha vacibdir.
- JPMorgan Chase-in CEO-su Jamie Dimonun moderatorluğu ilə keçən, Birləşmiş Krallığın maliyyə naziri Rachel Reevesin iştirak etdiyi qapalı debata da JPMorgan-ın tərəfdaşı qismində qatılmaq fürsətimiz oldu. Bu debatın öyrətdiyi əsas həqiqəti qısaca belə ümumiləşdirərdim: İndi artım, daha çox tələbdən deyil, uzunmüddətli kapitalın nə qədər effektiv yerləşdirilməsindən yaranır.
- Elm və tibb texnologiyası sahəsindən qlobal liderlərin iştirak etdiyi beyin sağlamlığı mövzusunda sessiyada isə belə qənaət yarandı ki, beyin sağlamlığı artıq sadəcə rifah mövzusu sayılmamalıdır. O, iqtisadi bir amildir. Çünki stress, yuxusuzluq, zehni yorğunluq məhsuldarlığa, qərar keyfiyyətinə ölçüləbilən şəkildə təsir göstərir.
Bu bir həftə ərzində Davos öyrənmək, aydınlanmaq, bugünün trendlərinə əsaslanıb sabah haqqında təsəvvürləri dəqiqləşdirmək imkanları ilə dolu idi.
Burada bir daha anladım ki, çatmaq istədiyimiz hədəflər düşüncələrimizdəki anlayışları hansı şəkildə reallığa gətirəcəyimizdən asılıdır.
Dünya İqtisadi Forumu – 2026-nın əsas mövzusu olan “Dialoq ruhu” ilə gələcəyə doğru yolumuza davam!"
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
7 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
7 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
8 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 9 saat əvvəl
-
9 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
9 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır



























