“AS Group” “Baku Build” və “Rebuild Karabakh” sərgisində iştirak edib
14–16 oktyabr tarixlərində Bakı Ekspo Mərkəzində 30-cu yubiley Azərbaycan Beynəlxalq İnşaat Sərgisi öz işinə başlayıb. Tədbirdə Azərbaycanla yanaşı, Çin, Almaniya, Hindistan, İran, Rusiya, Cənubi Koreya, Türkiyə, Birləşmiş Ərəb Əmirlikləri və digər ölkələrdən ümumilikdə 150-yə yaxın şirkət iştirak edib.
“AS Group” şirkəti sərgidə iki hissəli stendlə təmsil olunub. Stendin bir hissəsi şirkətlər qrupuna daxil olan “AS İnşaat” MMC-nin Zəngilan rayonunda inşa etdiyi, Azərbaycan Respublikasının Prezidenti İlham Əliyevin təməlini qoyduğu Ağalı 1, Ağalı 2 və Məmmədbəyli kəndlərinə, eləcə də Füzuli rayonunda layihələndirdiyi Dövlətyarlı kəndinə həsr olunub. Digər hissədə isə şirkətlər qrupuna daxil olan “AS İstehsal Qarabağ” MMC-nin Ağdam Sənaye Parkında yerləşən Xırdaqəlibli Beton Məmulatları Zavodunda istehsal edilən beton məmulatları təqdim edilib.
Bundan başqa Qazaxıstandan olan tərəfdaş şirkət “BI Group” ilə birgə Bakı şəhərində inşa edilən “4You Baku” yaşayış kompleksi və “Arximed” qurğusu barədə məlumatlar təqdim edilib.
Bildirilib ki, Arximed qurğusunun digər enerji istehsal sistemləri ilə müqayisədə ən böyük üstünlüyü ondan ibarətdir ki, təzyiqsiz sudan enerji istehsal edə bilir. Əlavə olaraq aşağı yüksəkliklərdə və düşük axın sürətlərində kiçik hidroelektrik stansiyalarının qurulması “Arximed” turbinləri ilə daha əlverişli və asandır.
Şirkətin təqdim etdiyi layihələr və tətbiq etdiyi yeniliklər sərgi iştirakçıları və qonaqlar, eləcə də media nümayəndələrinin böyük marağına səbəb olub.
Sərginin ilk günündə “AS Group”un təşkilatçılığı ilə “Dayanıqlı inkişaf naminə ağıllı və yaşıl həllər” mövzusunda beynəlxalq konfrans da keçirilib. Konfrans çərçivəsində iki panel sessiyası baş tutub: “Dayanıqlı memarlıq – enerjiyə qənaət edən və uyğunlaşa bilən tikintinin simbiozu” və “Şəhərsalma fəaliyyətində enerji effektivliyi və yaşıl enerjinin tətbiqi”. Tədbir zamanı şirkətin ekoloji yönümlü layihələri və innovativ yanaşmaları təqdim olunub.
“AS Group” 2003-cü ildən etibarən dövlət və özəl sektor üçün kompleks layihələrin icrasında öncül rol oynayır. Şirkət tikinti, daşınmaz əmlak, kənd təsərrüfatı, sənaye, nəqliyyat-logistika, bərpa olunan enerji və HoReCa sahələrində uğurla fəaliyyət göstərir. “AS Group” eyni zamanda, beynəlxalq layihələr vasitəsilə ölkəyə xarici investisiyaların cəlb olunmasında da mühüm töhfələr verir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
6 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
6 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
7 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
8 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 8 saat əvvəl
- 8 saat əvvəl
-
8 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
8 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 11 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























