BYD Tesla-nı əməkdaşlığa çağırır: "Gəlin ortaq düşmənə qarşı birlikdə çalışaq"

BYD Tesla-nı əməkdaşlığa çağırır: "Gəlin ortaq düşmənə qarşı birlikdə çalışaq"

BYD-nin vitse-prezidenti Stella Li, "Bizim ortaq düşmənimiz daxili yanma mühərrikli nəqliyyat vasitələridir. Sənayeni dəyişmək üçün birlikdə çalışmalıyıq" deyərək Tesla ilə əməkdaşlığa çağırıb.

BYD Tesla-nı əməkdaşlığa çağırır: "Gəlin ortaq düşmənə qarşı birlikdə çalışaq"

Çinin ən böyük elektrikli avtomobil istehsalçılarından biri olan BYD (Build Your Dreams) şirkətinin vitse-prezidenti Stella Li, Tesla ilə qlobal elektrik avtomobil bazarında rəqabət apardıqları bir vaxtda əməkdaşlıq haqqında açıqlama verib.

"Bizim ümumi düşmənimiz daxili yanma mühərrikli nəqliyyat vasitələridir. Sənayeni dəyişmək üçün birlikdə işləməliyik", - Stella Li BYD-nin Londondakı salonunda "Financial Times"a müsahibəsində deyib.

"Çin xarici şirkətlərlə əməkdaşlığa açıqdır"

Li qeyd edib ki, Çin hökuməti Avropa və ABŞ ilə ticarət gərginliyinin artmasına baxmayaraq, yenilikləri xarici şirkətlərlə bölüşməkdə daha açıq siyasət yürüdür. “Çin hökuməti daha açıqdır, ona görə də ola bilsin ki, burada çoxlu yanlış təsəvvürlər var".

Çinin elektrikli avtomobil sektorundakı inkişafını misal gətirən Li, qlobal bazardakı yavaşlamaya baxmayaraq, elektrikli avtomobillərin hələ də diqqəti cəlb etdiyini vurğulayıb: "Niyə insanlar elektrikli nəqliyyat vasitələrinə üstünlük verirlər? Çünki bu, daha yaxşı avtomobil, daha ağıllı avtomobil... və daha keyfiyyətlidir".

Elektrikli avtomobil sektorunda rəqabət aparan BYD və Tesla avtonom idarəetmə sahəsində də iddialı addımlar atırlar. Keçən ay BYD elan edib ki, Çindəki bəzi modellərində heç bir əlavə ödəniş etmədən özünün “Allahın Gözü” avtonom idarəetmə sistemini təqdim edəcək.

Digər tərəfdən, Tesla Çin bazarına Tam Özü-özünü İdarəetmə (Full Self-Driving (FSD)) xüsusiyyətlərini təqdim edib. Çində FSD sistemi ilə bağlı ilkin istifadəçi rəyləri müsbət olub, bir çox sürücü Tesla-nın avtonom idarəetmə imkanlarından məmnunluğunu ifadə edib.

07.03.2025 12:27