Ləğv edilən hüquqi şəxs "Akabe" MMC deyil, "Akabe" ASC-dir

Ləğv edilən hüquqi şəxs "Akabe" MMC deyil, "Akabe" ASC-dir

Ləğv edilən hüquqi şəxs "Akabe" MMC deyil, "Akabe" ASC-dir

"Akabe" mağazalarını (Akabe Inshaat) idarə edən "Akabe" MMC şirkəti (VÖEN: 1400142861) fəaliyyətini davam etdirir. Ləğv edilən şirkət - uzun müddətdir fəaliyyəti olmayan "Akabe" ASC-dir.

Bu barədə Marja.az-a "Akabe" MMC şirkətindən bildirilib.

VTB-də minimal faiz dərəcəsi ilə nağd kredit 9.9%-dən

Qeyd edilib ki, "Akabe" ASC-nin ləğv edilməsi barədə bildiriş "Akabe" MMC-nin müştəriləri və tərəfdaşları arasında narahatlığa səbəb olub: ""Akabe" MMC və mağazaları fəaliyyətini davam etdirir, müştərilərin və tərəfdaşların narahatlığına əsas yoxdur".

"Akabe" MMC-nin də hüquqi ünvanı Bakı, Binəqədi rayonu, M.Rəsulzadə qəsəbəsi, Binəqədi şossesi, ev.12-dir. 11 min 137 manat nizamnamə kapitalı olan "Akabe" MMC şirkətinin direktoru Nəcəfzadə İlqar Hüsəməddin oğludur.

"Akabe" MMC inşaat materiallarının istehsalı və satışı fəaliyyətləri ilə məşğul olur. Şirkət Avropa və Asiyanın Kutahya, Etili, Seramiksan, Huayi, Cleanox, Duravit, Hansgrohe, Grohe, Artemis, Turkuaz, Pars Tile, Mercan Seramik, Adell Banyo, Armadi Art, Badella, Laufen, Ph Dizayn kimi tanınmış brendlərin Azərbaycandakı rəsmi distribyutorudur.

Xəbər verdiyimiz kimi, "AKABE" ASC-nin (VÖEN: 1005302881) Ümumi Yığıncağı 09 avqust 2024-cü il tarixdə hüquqi şəxsin hüquq və vəzifələri hüquq varisliyi qaydasında başqa şəxslərə keçmədən ləğv edilməsi barədə qərar qəbul etmişdir. Kreditorlar 60 gün ərzində ləğv edilən hüquqi şəxsə qarşı tələblərini Bakı, Binəqədi rayonu, M.Rəsulzadə qəsəbəsi, Binəqədi şossesi, ev.12 ünvana bildirə bilərlər. Qeyd edək ki, 4 min manat nizamnamə kapitalı olan "AKABE" ASC-nin ləğvedicisi Anar Quliyevdir.