Bu şirkət xalis mənfəətə həsrətdir - "Şahdağ Turizm Mərkəzi"ndə 103 milyon manatdan çox zərər

Bu şirkət xalis mənfəətə həsrətdir - "Şahdağ Turizm Mərkəzi"ndə 103 milyon manatdan çox zərər

Bu şirkət xalis mənfəətə həsrətdir - "Şahdağ Turizm Mərkəzi"ndə 103 milyon manatdan çox zərər

"Şahdağ Turizm Mərkəzi" QSC 2023-cü ili 6 milyon 682 min manat xalis zərər ilə başa vurub. Şirkət 2022-ci ili 8 milyon 688 min manat xalis zərər ilə bağlamışdı. Beləliklə, ötən il "Şahdağ Turizm Mərkəzi"nin xalis zərəri 2 milyon 2 min manat və ya 23% azalıb.

Marja.az xəbər verir ki, "Şahdağ Turizm Mərkəzi"nin əsas əməliyyat gəliri 2022-ci ildə 9 milyon 608 min manat ikən, 2023-cü ildə 15 milyon 249 min manata yüksəlib (5 milyon 641 min manat və ya 58,7% artıb). Şirkətin aldığı dotasiyanın məbləği isə 2022-ci ildəki 12 milyon 77 min manatdan 2023-cü ildə 11 milyon 777 min manata düşüb. Şirkət ötən il 306 min manat sair gəlirlər də əldə edib (2022-ci ildə 784 min manat).

"Şahdağ Turizm Mərkəzi"nin ödənilməmiş zərəri (yığılmış zərər) 2022-ci ilin sonunda 97 milyon 177 min manat ikən, 2023-cü ilin sonunda 103 milyon 859 min manata çatıb. Nəticədə Şirkətin 397 milyon 507 min manat kapitalı azalıb.

Xatırladaq ki, "Şahdağ Turizm Mərkəzi" 2022-ci ildəki zərərin səbəbləri olaraq inzibati xərclərin (kompleksin köhnəlməsi ilə əlaqədar meydana çıxan təmir və bərpa xərcləri) və satışın maya dəyərinin artmasını göstərmişdi.

Şahdağ Qış-Yay Turizm Kompleksinin tikilib istifadəyə verilmiş obyektlərinin idarə olunmasını təmin etmək məqsədilə Azərbaycan Respublikasının Mədəniyyət və Turizm Nazirliyinin tabeliyində səhmləri dövlətə məxsus olan "Şahdağ Turizm Mərkəzi" Qapalı Səhmdar Cəmiyyəti yaradılmışdır. Cəmiyyət, Mədəniyyət və Turizm Nazirliyinin nəzdində təsərrüfathesablı Şahdağ Qış-Yay Turizm Kompleksinin Müdiriyyəti tərəfindən dövlət büdcəsinin əsaslı vəsait qoyuluşu xərcləri hesabına tikintisi başa çatdırılmış, həmçinin tikintisi başa çatdıqca mərhələlərlə turizm və digər infrastruktur obyektlərini, nəqliyyat və kommunikasiya xətlərini istismara qəbul edir, həmin obyektlərin idarə edilməsini, o cümlədən müstəqil surətdə hüquqi və fiziki şəxslərlə müqavilə bağlayaraq istifadəyə (icarəyə) verilməsini təmin edir.

15.08.2024 12:19

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az