“Geoplin” SOCAR ilə uzunmüddətli əməkdaşlığa ümid edir
Sloveniyanın ən böyük təbii qaz tədarükçüsü olan “Geoplin” şirkəti "mavi" yanacağın tədarükü sahəsində Azərbaycan Dövlət Neft Şirkəti (SOCAR) ilə uzunmüddətli əməkdaşlığa ümid edir.
Bu barədə 2024-cü il avqustun 1-də SOCAR ilə qaz tədarükünə dair ilk dəfə müqavilə bağlayan "Geoplin" şirkətindən məlumat verilib.
Şirkətdən bildiriblər ki, Azərbaycan qazının tədarük həcmi və vaxtı ilə bağlı sövdələşmənin təfərrüatlarını açıqlaya bilmirlər.
“Azərbaycan qazının Sloveniyaya tədarükü ilə bağlı məlumatların məxfiliyi SOCAR ilə razılaşdırılıb. Təəssüf ki, biz imzalanmış sazişlə bağlı press-relizdə dərc olunanlardan başqa, əməliyyatın xüsusiyyətləri ilə bağlı təfərrüatları açıqlamamağa məcburuq”, - Sloveniya şirkətindən qeyd edilib.
Məlumata görə, saziş iki şirkət arasında uzunmüddətli əlaqələrin qurulması üçün əsas sayıla bilər.
SOCAR-da hesab edirlər ki, bu, Avropa ölkələri ilə qaz sahəsində əməkdaşlıq üçün yeni perspektivlər açan vacib sazişdir. Tədarük həcmi isə şirkətin imkanlarından və tədarük edilə bilən sərbəst həcmlərin mövcudluğundan asılı olacaq.
Sloveniyanın Ətraf Mühit, İqlim və Energetika Nazirliyi də Azərbaycanla imzalanmış sazişin təfərrüatlarını açıqlamaqdan imtina edib.
“Forbes” nəşri Azərbaycan qazının Sloveniya bazarına nəqli marşrutunun xəritəsini dərc edib. Bu marşrut Trans-Adriatik qaz kəmərinin Albaniyadakı hissəsindən keçməlidir. Nəşr, həmçinin tədarük həcmlərinin kiçik olacağını və sazişin qısa zaman kəsiyini əhatə edəcəyini ehtimal edir.
İtaliya, Xorvatiya, Avstriya və Macarıstanla həmsərhəd olan və 2,1 milyon əhaliyə malik Sloveniya uzun müddət Rusiya qazının idxalına arxalanıb. 2020-ci ildə Sloveniyaya idxal edilən təbii qazın 81 %-i Rusiyanın payına düşüb.
İndi Sloveniya Azərbaycan qazının Türkiyə, Gürcüstan, İtaliya, Yunanıstan, Bolqarıstan, Rumıniya, Macarıstan və Serbiyadan sonra tədarük edildiyi doqquzuncu ölkədir. Hətta ilkin mərhələdə tədarükün həcmi kiçik olsa belə, SOCAR ilə müqavilə imzalamaqla Sloveniya qarşıdan gələn qış mövsümündə artan tələbat və fors-major hallarda Azərbaycanın qaz tədarükü ilə bağlı dəstəyini rəsmi şəkildə təmin edib.
Məlum olduğu kimi, Rusiya 2022-ci ildən etibarən boru kəmərləri ilə Avropaya qaz tranzitini xeyli azaldıb, lakin Avstriya, Macarıstan və Slovakiya kimi ölkələr Rusiya idxalından son dərəcə asılı olaraq qalır. Rusiya qazının Ukrayna ərazisindən tranziti 2025-ci il yanvarın 1-dən dayandırılarsa, sözügedən ölkələr çətin vəziyyətə düşə bilər. Sloveniya isə artıq Azərbaycan qazı hesabına özünü fors-major hallardan sığortalayıb.
© "Report"
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
9 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
10 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
10 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
11 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 11 saat əvvəl
- 11 saat əvvəl
-
11 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
11 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 14 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























