Kamala Harris 24 saat ərzində 81 milyon dollar ianə toplayıb

Kamala Harris 24 saat ərzində 81 milyon dollar ianə toplayıb

Noyabrın 5-də keçiriləcək prezident seçkilərində ABŞ prezidenti Co Baydenin namizədliyini geri götürüb yerinə tövsiyə etdiyi Kamala Harris son 24 saatda 81 milyon dollar ianə toplayaraq bu sahədə rekord qırıb.

Kamala Harris 24 saat ərzində 81 milyon dollar ianə toplayıb

Noyabrın 5-də ABŞ-da keçiriləcək prezident seçkilərində Demokratların prezidentliyə namizədliyinə ən yaxın şəxs olan Kamala Harris rekord səviyyədə ianə toplayıb.

Harrisin komandasının verdiyi açıqlamaya görə, Bayden onu prezidentliyə namizəd göstərdikdən sonra keçən 24 saat ərzində Harrisə 81 milyon dollar bağışlanıb.

ABŞ mətbuatında yer alan xəbərlərə görə, sözügedən rəqəm 24 saat ərzində çatılan ən yüksək ianə məbləği olaraq qeydə alınıb.

ABŞ-da prezident seçkiləri zamanı toplanan ianələrin miqdarı və donorların sayı seçkinin nəticələri haqqında təsəvvür yaratmaq üçün diqqətlə izlənilir.

Onun Respublikaçı rəqibi Donald Tramp Nyu Yorkda "sus haqqı" məhkəməsində qərar elan edildikdən sonra 24 saat ərzində 50 milyon dollardan çox ianə toplamışdı.

BAYDENİ TƏRİFLƏYİB

ABŞ-ın vitse-prezidenti Kamala Harris Baydenin yarışdan çəkildiyini və onun yerinə namizədliyini irəli sürdüyünü elan etdikdən sonra ilk dəfə ictimai proqramda çıxış edib.

Baydeni tərifləyən Harris, "Baydenin bir müddətli prezidentliyindəki uğur mirası artıq iki müddətə xidmət etmiş əksər prezidentlərin mirasını üstələyib" deyib.

Baydenin "dürüstlük, namus, iman və ölkəsinə bağlılıq" keyfiyyətlərinin hər gün şahidi olduğunu qeyd edən Harris, "Prezidentimiz Co Baydenə, Amerika xalqına və millətimizə göstərdiyi xidmətlərə görə dərin minnətdarıq" deyib.

Əlavə edək ki, milyarder investor Corc Soros da Harrisi dəstəklədiyini açıqlayıb.

23.07.2024 08:05

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az