ABŞ sanksiyalar siyahısına daha 37 Çin şirkətini əlavə edib

ABŞ sanksiyalar siyahısına daha 37 Çin şirkətini əlavə edib

ABŞ texnologiyalar və pilotsuz aviasiya sahələrində fəaliyyət göstərən 37 Çin şirkətini ixrac nəzarətinin tətbiq ediləcəyi "müəssisələr siyahısı"na daxil etdiyini bildirib.

ABŞ sanksiyalar siyahısına daha 37 Çin şirkətini əlavə edib

ABŞ sanksiyalar siyahısına daha 37 Çin şirkətini əlavə edib.

ABŞ Ticarət Nazirliyindən verilən açıqlamada, sözügedən şirkətlərə qarşı ABŞ-ın milli təhlükəsizlik və xarici siyasət maraqlarına zidd fəaliyyət göstərdikləri üçün tədbirlər görüldüyü bildirilib.

VTB-də minimal faiz dərəcəsi ilə nağd kredit 9.9%-dən

Açıqlamada bildirilib ki, şirkətlərdən 22-si “Çinin kvant texnologiyaları sahəsindəki irəliləyişlərindəki rolu və bu sahədə ABŞ-da inkişaf etdirilən texnologiyaları əldə etməsi və ya əldə etməyə cəhd etməsi” səbəbilə sanksiyalar siyahısına daxil edilib. Bu fəaliyyətlərin hərbi sahədə konkret tətbiqləri ola biləcəyi qeyd edilib və bu səbəbdən ABŞ-ın milli təhlükəsizliyini təhdid etdiyi bildirilib.

Açıqlamada, bu şirkətlərdən bəzilərinin də Çinin nüvə proqramları ilə əlaqəli olduğu və “Rusiyanın Ukraynaya müdaxiləsindən sonra materialların bir hissəsini bu ölkəyə köçürdükləri” qeyd edilib.

Çindən reaksiya

Çin Xarici İşlər Nazirliyinin sözçüsü Lin Cien, qərarla bağlı verdiyi açıqlamada, ABŞ-ın Çin şirkətlərini hədəf almaq üçün bu metoddan sui-istifadə etdiyini bildirib.

Nəzarət olunan materialların Rusiyaya ötürüldüyü iddiası ilə bağlı sözçü Lin, "Çin və Rusiyanın normal iqtisadi və ticarət əlaqələri qurmaq hüququ var və bu əməkdaşlıq xarici müdaxilə ilə məhdudlaşdırıla bilməz" deyib.

O, ABŞ-ın "milli təhlükəsizlik risklərini" əsas gətirərək uzun müddətdir Çin şirkətlərini sıxışdırdığını qeyd edib.

Məhsul və ya xidmətlər hökumətin xüsusi icazəsi olmadan ABŞ ixrac nəzarəti siyahısında olan şirkətlərə satıla bilməz.

13.05.2024 10:43