Amerikanın  texnologiya nəhəngi "Intel" və idman məhsulları şirkəti "Under Armour"ın icraçı direktorları, ABŞ Prezidenti Donald Trumpa müşavirlik edən "Amerika Sənaye Şurasından" çıxdıqlarını açıqlayıblar.

"Marja" xəbər verir ki, Şuradan ölkədə həftə sonunda baş verən zorakılıq hadisələrinin ardından istefa edən icraçı direktor sayı 3-ə çatıb.

"Intel"in İcraçı direktoru Brayan Krzanich və "Under Armour"ın İcraçı direktoru Kevin Plank, Trumpın iş dünyası ilə fikir mübadiləsi aparmaq üçün qurduğu "Amerika Sənaye Şurası"ndan çıxan son iş dünyası nümayəndələri olublar.

Krzanich, etdiyi yazılı açıqlamada, "Qütübləşmiş siyasi iqlimin, Amerikan sənayesindəki zəifləmə da daxil olmaqla əhəmiyyətli məsələlərə zərər verdiyinə diqqəti çəkmək üçün istefa etdim" -ifadəsini istifadə edib.

Plank  isə "Twitter"də, "Under Armour" yaradıcılıq və idmanla məşğul olur, siyasətlə deyil. Şurada olmaq xoş oldu, ancaq çıxmaq qərarı verdim"-deyə yazıb.

Ötən həftənin sonu Virciniya ştatının Charlottesville şəhərində  ifrat millətçi amerikalıların etdiyi yürüş və qarşı qrupların aksiyaları zamanı zorakılıq hadisələri baş vermişdi. Hadisələrdən sonra şuradan ilk çıxmaq qərarı, Amerikan dərman istehsalçısı "Merck"in İcraçı direktoru Kennet Frazier tərəfindən verilmişdi.
 

Şuradakı tək qara dərili iş dünyası nümayəndəsi olan Frazier, müşavirlik vəzifəsindən ifrata və dözümsüzlüyə qarşı çıxmaq məsələsində hiss etdiyi şəxsi məsuliyyətə görə çıxdığını bildirmişdi. Frazier, Trumpın şiddət hadisələrini pisləyərkən, irqçilərdən birbaşa olaraq bəhs etməməsini tənqid etmişdi.

 
ABŞ Prezidenti Trump, Frazier-ın şuradan çıxmaq qərarına qısa müddət ərzində sosial mediadan reaksiya göstərərək, "Merck"in Kennett Frazierı, indi Sənaye Şurasından çıxdığına görə astronomik dərman qiymətlərini aşağı salmağa daha çox vaxtı olar. Merck yüksək dərman qiymətlərində liderdir. Həmçinin Amerikan məşğulluğunu xaricə aparır. Məşğulluğu geri gətir və dərmanların qiymətlərini aşağı sal". yazaraq tənqid etmişdi.
 

Trump, daha sonra Ağ Evdə etdiyi mətbuat açıqlamasında isə irqçi qrupları hədəf alaraq, "KKK (Ku Klux Klan), Nasist tərəfdarları, ağların üstün olduğunu düşünənlər və digər nifrət qrupları Amerika dəyərlərinin əksini müdafiə edirlər" demişdi.

 
Virciniya ştatının Charlottesville şəhərində həftə sonu ifrat millətçi Amerikalıların etdiyi yürüş və qarşı qrupların etiraz aksiyaları zamanı zorakılıq hadisələri baş vermişdi. Şəhərə fövqəladə hal elan edilməsinə səbəb olan hadisələrdə, həddindən artıq milliyyətçi 20 yaşlı bir adamın, maşınını qəsdən irqçilik əleyhdarlarının üstünə sürməsi nəticəsində bir nəfər həyatını itirmiş, bir çox adam yaralanmışdı.