“OBA” müştəri şikayəti ilə bağlı məlumata aydınlıq gətirdi

“OBA” müştəri şikayəti ilə bağlı məlumata aydınlıq gətirdi

Ehtimal olunur ki, etiket məlumatlarına əsasən məhsulun tərkibində cüzi miqdarda çərəz olduğuna görə, istehsal zamanı kənarlaşmaya zəmin yaranıb. Müştəri bu barədə məlumatlandırıb, aldığı məhsul geri götürülüb və ödədiyi məbləğ geri qaytarılıb.

“OBA” müştəri şikayəti ilə bağlı məlumata aydınlıq gətirdi

“OBA” market kənarlaşma qeydə alınmış məhsulla bağlı müştəri şikayətinə dair açıqlama yayıb.

Şirkətdən bildirilib ki, 08.03.2024 tarixində “OBA” marketdən alınan “Lois” əmtəə nişanlı nuqa-biskvit məhsulunda kənarlaşma ilə bağlı şikayət daxil olan andan etibarən bütün filiallarda məhsula keyfiyyət nəzarəti əməkdaşları tərəfindən birbaşa baxış keçirilib, hər bir partiyadan ekspertiza üçün nümunələr götürülüb. Müştərinin yanında aldığı məhsullar açılaraq baxış keçirilib və hər hansı bir kənarlaşma müşahidə edilməyib.

Açıqlamada bildirilir ki, qeyd olunan məhsul Rusiyanın “Nevski konditer Belinskiy” fabrikində beynəlxalq qida standartlarına uyğun olaraq istehsal edilir. Məhsulun idxalı zamanı Azərbaycan Respublikası Qida Təhlükəsizliyi Agentliyi tərəfindən idxal sağlamlıq aktı alınıb. İstehsal tarixi 16.01.2024 olan adı çəkilən məhsulun son istifadə tarixi 16.01.2025-dir.

Ehtimal olunur ki, etiket məlumatlarına əsasən məhsulun tərkibində cüzi miqdarda çərəz olduğuna görə, istehsal zamanı kənarlaşmaya zəmin yaranıb.

Müştəri bu barədə məlumatlandırıb, aldığı məhsul geri götürülüb və ödədiyi məbləğ geri qaytarılıb.

Qeyd edilib ki, “OBA” marketlər şəbəkəsi yerli və beynəlxalq brendlərin keyfiyyətli gündəlik tələbat məhsulların uyğun qiymətə alıcılarına təqdim edilir.

Əlavə edək ki, müştərinin “OBA” marketlər şəbəkəsindən aldığı biskvit qurdlu çıxmışdı.

14.03.2024 11:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az