Avropada "zəhərli yumurta" böhranı

Avropada "zəhərli yumurta" böhranı

Avropada həşərat dərmanlı yumurta böhranı yaşanır.

Yumurtalarda bu ilin iyun ayında böcək dərmanı müəyyən etmələrinə baxmayaraq, bunu Avropa Birliyi Komissiyasına bildirməməkdə günahlandıran Belçikanın kənd təsərrüfatı naziri Denis Ducarme, zəhərli yumurtalardan Hollandiyalı rəsmilərin və Avropa Birliyi Komissiyası komissarının daha əvvəldən xəbərdar olduğunu söyləyib.

Belçikanın kənd təsərrüfatı naziri Denis Ducarme, Hollandiya rəsmilərinin yumurtalarda böcək dərmanı olduğunu 2016-cı ilin Noyabr ayında müəyyən etdiyini, ancaq bu barədə Avropalı müttəfiqlərinə məlumat vermədiyini söyləyib.

Belçika federal məclisində danışan Ducarme, Belçika Ərzaq Agentliyinin Hollandiyanın noyabr ayında yumurtalarda fipronil adlı böcək dərmanını tapdığına dair rəsmi sənədi ələ keçirdiyini iddia edib.

Hollandiya rəsmilərinin məsələyə dair heç bir rəsmi açıqlama vermədiyini bildirən Ducarme, o dövrdə Hollandiya ilə danışıqlar apardığını və AB Komissiyasının kənd təsərrüfatı üzrə komissarı ilə əlaqə yaratdığını bildirib. Ducarme, AB Komissiyası komissarının da mövzuya dair məlumatı olduğunu deyib.

Digər tərəfdən belçikalı rəsmilər, yumurtalarda iyun ayında böcək dərmanı müəyyən etmələrinə baxmayaraq, AB Komissiyasına 20 İyula qədər məlumat verməməkdə günahlandırılır.

Belçika Ərzaq Agentliyi rəsmiləri bunu təsdiqləyir, amma istintaqın sirrini təminat altına almaq məqsədilə əlavə məlumat verməkdən çəkinir.

Almaniya, Hollandiya və Belçikada baş verən həşərat dərmanlı yumurta böhranı, ixrac vasitəsilə İngiltərə, İsveç, İsveçrə və Fransaya da sıçrayıb.

09.08.2017 15:03

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az