Ötən il torpaqlarla bağlı 9 minə yaxın pozuntu aşkarlanıb - 67 %-i özbaşına zəbtdir

Ötən il torpaqlarla bağlı 9 minə yaxın pozuntu aşkarlanıb - 67 %-i özbaşına zəbtdir

Ötən il torpaqlarla bağlı 9 minə yaxın pozuntu aşkarlanıb - 67 %-i özbaşına zəbtdir

2023-cü ildə Azərbaycanda torpaqlardan istifadəyə və onların mühafizəsinə dövlət nəzarəti tədbirləri çərçivəsində 17 414 monitorinq keçirilib, 8 642 pozuntu aşkar edilib.

Bunu 2023-cü ilin yekunlarına və qarşıda duran vəzifələrə həsr olunmuş mətbuat konfransında İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayev bildirib.

Onun sözlərinə görə, pozuntuların 67 %-i torpaqların tikinti məqsədilə özbaşına zəbt edilməsi, 29 %-i torpaqlardan təyinatı üzrə istifadə edilməməsi, 2 %-i torpağın münbit qatının qeyri-qanuni daşınması, 1 %-i əkin sahələrinin yandırılması, 1 %-i isə Xəzər dənizinin sahilboyu 20- 50 metrlik zolağının zəbt edilməsi ilə bağlı olub.

Bundan başqa, M.Eynullayev qeyd edib ki, ötən il aşkar olunmuş pozuntularla bağlı əvvəlki illə müqayisədə 26 % az - 1 596 protokol tərtib olunub, 24 % az - 747 min manat cərimə tətbiq edilib, Daxili İşlər Nazirliyinə 12 % az - 1 913 iş göndərilib, 75 % çox - 352 torpaq sahəsi (458,9 hektar) əvvəlki vəziyyətinə qaytarılıb.

Ötən il 881 hektar torpaq sahəsinin təyinatı dəyişdirilib

Mətin Eynullayev bildirib ki, 2023-cü ildə Azərbaycanda 22 rayon üzrə 54 müraciət əsasında 2,7 min hektar torpaq sahəsinin kateqoriyasının dəyişdirilməsi məqsədilə sərəncam layihəsi hazırlanaraq Nazirlər Kabinetinə təqdim edilib.

Onun sözlərinə görə, ötən il 19 rayon üzrə 42 müraciət əsasında 881,2 hektar torpaq sahəsinin kateqoriyası və məqsədli istifadə təyinatı dəyişdirilib.

Bundan başqa, M.Eynullayev deyib ki, il ərzində 40 rayon üzrə 395 müraciət əsasında 48 min hektar dövlət mülkiyyətində olan kənd təsərrüfatı təyinatlı torpaq sahələrinin icarəyə verilməsinə razılıq verilib, 34 rayon üzrə 243 müraciət əsasında 5,5 min hektar dövlət mülkiyyətində olan kənd təsərrüfatı təyinatlı torpaqlar istisna olmaqla, digər dövlət torpaqlarının icarəyə verilməsinə müsbət rəy verilib.

30.01.2024 13:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az