Amerikalıların sərvəti üçüncü rübdə azalıb

Amerikalıların sərvəti üçüncü rübdə azalıb

ABŞ-da ev təsərrüfatlarının xalis sərvəti bu ilin üçüncü rübündə əvvəlki rüblə müqayisədə 0,9 faiz azalaraq təxminən 151 trilyon dollara düşüb.

Amerikalıların sərvəti üçüncü rübdə azalıb

ABŞ Federal Ehtiyat Sistemi (FED, mərkəzi bank)2023-cü ilin iyul-sentyabr ayları üçün “ABŞ-ın Maliyyə Hesabları” hesabatını dərc edib.

Marja.az xəbər verir ki, ölkədəki ev təsərrüfatlarının xalis sərvəti bu ilin üçüncü rübündə təxminən 151 trilyon dollar təşkil edib.

İlin üçüncü rübündə əvvəlki rüblə müqayisədə 0,9 faiz azalan ev təsərrüfatlarının sərvəti 2022-ci ilin eyni dövrü ilə müqayisədə 5,7 faiz artıb.

ABŞ-da ev təsərrüfatlarının xalis sərvəti bu ilin birinci rübündə 146,6 trilyon dollar, ikinci rübündə isə 152,3 trilyon dollar olaraq hesablanmışdı.

İlin üçüncü rübündə ev təsərrüfatlarının ümumi sərvətindəki azalma, Amerika şirkətlərinin səhmlərindəki 1,7 trilyon dollar itkinin bir hissəsini daşınmaz əmlakın ümumi dəyərindəki 500 milyard dollar artım ilə kompensasiya etməsi ilə bağlıdır.

Amerikanın ev təsərrüfatlarının borcunun artım tempi bu ilin üçüncü rübündə 2,7 faizdən 2,5 faizə enib.

Sözügedən dövrdə istehlak kreditləri 1,1 faiz, ipoteka (mənzil krediti) borcu isə 2,5 faiz artıb.

İstehlak kreditlərində artım proqnozdan aşağı olub

FED oktyabr ayı istehlak kreditləri məlumatlarını da açıqlayıb. Belə ki, ölkədəki istehlak kreditləri əvvəlki ayla müqayisədə 5,13 milyard dollar artaraq 4 trilyon 989 milyard dollara çatıb. İstehlak kreditləri üçün bazar gözləntisi 9 milyard dollar artım idi. İstehlak kreditləri sentyabr ayında 12,2 milyard dollar artmışdı.

08.12.2023 08:56

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az