Rusiya buğdanın ixracına qadağa qoydu

Rusiya buğdanın ixracına qadağa qoydu

Gömrük alt komitəsi altı ay müddətində bərk buğdanın ixracına qadağa qoyulmasını dəstəkləyib

Rusiyada Gömrük və Tarif Tənzimlənməsi üzrə Alt Komitə Kənd Təsərrüfatı Nazirliyinin 2023-cü il dekabrın 1-dən 2024-cü il mayın 31-i daxil olmaqla, bərk buğdanın Rusiya Federasiyasından ixracına müvəqqəti qadağa tətbiq etmək təşəbbüsünü dəstəkləyib.

Marja.az xəbər verir ki, bu barədə Rusiya hökumətinin saytında deyilir.

“Biz Kənd Təsərrüfatı Nazirliyinin Rusiya Federasiyasından bərk buğdanın ixracına 6 ay müddətinə - 2023-cü il dekabrın 1-dən 2024-cü il mayın 31-dək müvəqqəti qadağa tətbiq etmək təşəbbüsünü dəstəklədik”, - məlumatda deyilir.

Bu qərar ərzaq təhlükəsizliyi və daxili bazarda taxıl məhsullarının istehlak qiymətlərini sabit qalmasını təmin etmək üçün qəbul edilib.

Buğda yüksək protein tərkibinə malikdir. Çörək unu istehsalının xammalıdır.

Bundan başqa, Rusiya Gömrük və Tarif Tənzimlənməsi üzrə Alt Komitə Rusiya Federasiyasından Avrasiya İqtisadi İttifaqının (Aİİ) üzvü olmayan dövlətlərə taxıl ixracı üçün 24 milyon ton həcmində kvotanı dəstəkləyib; bu, 2024-cü il fevralın 15-dən iyunun 30-dək qüvvədə olacaq.

"Kənd Təsərrüfatı Nazirliyi və İqtisadi İnkişaf Nazirliyinin təklifi Avrasiya İqtisadi İttifaqının üzvü olmayan dövlətlərə taxılların (buğda, arpa, qarğıdalı, çovdar) Rusiya Federasiyasından ixracı üçün tarif kvotası həcminin müəyyən edilməsi haqqında təklifə 24 milyon ton həcmində dəstək verilib. Kvotanın 2024-cü il fevralın 15-dən iyunun 30-dək qüvvədə olması planlaşdırılır".

Rusiya hökuməti ilk dəfə 2023-cü il fevralın 15-də Aİİ üzvü olmayan dövlətlərə taxıl tədarükü üçün kvota tətbiq edib, müvafiq qərar 2022-ci ilin dekabrında qəbul edilib. Həmin vaxt kvota 25,5 milyon ton idi.

23.11.2023 12:09

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az