Türkiyədə mənzilin gündəlik kirayəyə verilməsi üçün qonşulardan razılıq məktubu və lisenziya alınacaq

Türkiyədə mənzilin gündəlik kirayəyə verilməsi üçün qonşulardan razılıq məktubu və lisenziya alınacaq

Türkiyədə mənzilin gündəlik kirayəyə verilməsi üçün qonşulardan razılıq məktubu və lisenziya alınacaq

Türkiyə Böyük Millət Məclisinə gündəlik kirayə evlərlə bağlı qanun layihəsi daxil olub.

Marja.az-ın məlumatına görə, qanun layihəsində bildirilir ki, yaşayış yerləri bir dəfəyə maksimum 100 gün müddətinə turizm məqsədilə kirayəyə verilə bilər. Qanun bir dəfəyə 100 gündən çox müddətə kirayəyə verilən evlərə şamil olunmayacaq.

VTB-də minimal faiz dərəcəsi ilə nağd kredit 9.9%-dən

Evini turizm məqsədilə kirayəyə vermək istəyənlər Türkiyə Mədəniyyət və Turizm Nazirliyindən “turizm rezidensiyası” lisenziyası alıb qapısının qarşısından asacaqlar. Bunu almayanlar evlərini gündəlik kirayə verə bilməyəcəklər.

QONŞU İCAZƏ VERMƏSƏ, MƏNZİLİ KİRAYƏYƏ VERMƏK MÜMKÜN OLMAYACAQ

Bundan əlavə, lisenziyanı əldə etmək üçün evlərini gündəlik kirayə verəcək şəxslərdən müəyyən şərtlərin yerinə yetirilməsi tələb olunacaq.

Belə ki, kirayə ev sahibləri ilk növbədə yanğın nərdivanları, yanğın təhlükəsizliyi sertifikatları və tullantılara nəzarət sertifikatları almalıdırlar.

Evlərdə bir oteldə tapılmalı olan zəruri əşyalar (saç qurutma maşını, dəsmal, yataq dəsti və s.) olmalıdır. İcarəyə veriləcək ev yaşayış binasındadırsa, qonşulardan razılıq məktubu tələb olunacaq. Bir nəfər belə razılıq verməsə, ev sahibi mənzilin gündəlik kirayə verə bilməyəcək.

Qanun qüvvəyə mindikdən sonra gündəlik kirayəçilər qaydalara əməl etmədikdə məsuliyyətinə cəlb olunacaqlar.

Evini icazəsiz turizm məqsədilə kirayə verənlərə təxminən 1 milyon TL cərimə tətbiq edilməsi planlaşdırılır. Bundan sonra kirayənin davam etdiyi müəyyən olunarsa, ev möhürlənəcək.

Qanun layihəsinə görə, otellərdə olduğu kimi gündəlik kirayələrdə də kirayə verən şəxsin şəxsiyyəti və qalma müddəti Polisə təqdim ediləcək.

Bunun üçün elektron hökumət vasitəsilə interfeys açılacaq. Bu məlumatı təqdim etməyən ev sahibləri məsuliyyət daşıyacaq və cinayət məsuliyyətinə cəlb olunacaqlar.

11.10.2023 08:00