(®) Technol şirkəti 2-4 oktyabr 2023 tarixlərində Dubayda keçirilən Avtomexanika sərgisində uğurla iştirak etdi.

Avtomexankia sərgisi avtomobil sənayesi və aftermarket sahəsi üzrə dünyada keçirilən ən böyük tədbirlər arasında yer alır. 

61 ölkədən 1938 şirkətin qatıldığı sərgidə ümumilikdə 52 min nəfər ziyarətçi qeydə alınıb. Azərbaycandan yeganə qatılan Technol şirkətinin stendi və nümayiş etdirdiyi məhsullar böyük maraqla qarşılandı. Şirkətin nümayəndə heyəti əməkdaşlıqların qurulması və xarici bazarlara məhsul ixracı istiqamətində sərgi iştirakçıları ilə danışıqlar aparıb, onlara Technol markası, zavodun istehsal gücü, tərəfdaş olduğu xammal təchizatçıları, istehsal etdiyi məhsullar, istehsalda tətbiq olunan texnologiya və ixrac imkanları haqqında geniş məlumat veriblər.

Artıq 7 ildir həm daxili, həm də xarici bazarlarda öz mövqeyini qoruyaraq möhkəmləndirən Technol şirkəti global satış imkanlarını daha da genişləndirməyi hədəfləyir. Bunun üçün şirkət həm istehsal gücünü, həm də məhsul portfelini genişləndirməyə davam edir.

Qısa müddət ərzində müştərilərin etimad və rəğbətini qazanan Technol şirkətinin istehsal etdiyi keyfiyyətli məhsullar daxili bazarın tələbatını ödəməklə yanaşı, Türkiyə, Rusiya, Gürcüstan, Qazaxıstan, Özbəkistan, Türkmənistan, İraq və bəzi Afrika ölkələrinə ixrac olunur.

Şirkətin əsas istehsalat segmentasiyası sənayə, qres yağları və müxtəlif növ qatqıları olmaq üzrə bölünmüşdür. Technol minik və yük avtomobilləri, hidravlika sistemləri, kompressor, generator yağları, kənd təsərrüfatı, müdafiə, gəmiçilik və metallurgiya sənayeləri və digər bir çox sahələri əhatə edən yüzlərlə fərqli məhsul portfelinə malikdir.

Zavod Amerika Birləşmiş Ştatları, Böyük Britaniya, Almaniya və Yaponiyanın tanınmış firmalarının müasir ciahazları ilə təchiz edilən şirkət, yağların geniş səpkidə dəqiq analizi üçün beynəlxalq akkreditasiyadan keçmiş (ISO17025: 2017) müasir laboratoriyaya malikdir.

Technol şirkətində bütün mühərrik və sənaye yağları Infineum, Chevron, Afton, SK Lubricants, Neste kimi nüfuzlu təchizatçıların yüksək keyfiyyətli qatqı və baza yağlarından istifadə edilməklə istehsal edilir. 

Amerika Neft İnstitutunun (API), Avropa Avtomobil İstehsalçıları Assosiasiyasının (ACEA) standartlarına müvafiq qaydada isehsal edilən məhsullar, Amerika Test və Materiallar Cəmiyyətinin (ASTM) tələbləri əsasında sınaqdan keçirilir. Şirkət, istehsal etdiyi bəzi mühərrik yağ çeşidləri üzrə Mercedes-Benz və Cummins şirkətlərinin təsdiqlərini əldə edib, Amerika Neft İnsitutunun (API) müvafiq sertifikatı ilə təltif olunub. 

İstehsal edilən bütün məhsulların müştəri tələbatına və qanunvericiliyin tələblərinə cavab verməsi üçün şirkətdə ISO 9001 2015, ətraf mühitin idarə edilməsi üzrə ISO 14001: 2015, peşə sağlamlığı və təhlükəsizliyinin idarə edilməsi üzrə ISO 45001: 2018 beynəlxalq standartları tətbiq olunub.