Amazon-un Türkiyədəki ilk logistika mərkəzi rəsmi olaraq açılır

Amazonun Türkiyədə 100 milyon dollardan çox sərmayə ilə inşa etdiyi ilk logistika mərkəzinin rəsmi açılışı sabah keçiriləcək.

Amazon-un Türkiyədəki ilk logistika mərkəzi rəsmi olaraq açılır

Sabah Amazon-un Türkiyə, Tuzlada logistika mərkəzinin rəsmi açılışı üçün mərasim keçiriləcək. Mərkəzin inşası 100 milyon dollara başa gəlib.

Marja.az Şirkətin yaydığı məlumata istinadən xəbər verir ki, mərasimdə Türkiyədən yüksək vəzifəli şəxslərin iştirakı ilə yanaşı, şirkətin qlobal menecerləri də iştirak edəcək.

Mərasimdə Amazon-un Avropa və Şimali Amerika əməliyyatları üzrə vitse-prezidenti Stefano Pereqo, Amazon-un Türkiyə əməliyyatları üzrə baş direktoru Hakan Karadoğan və Amazon-un Türkiyə üzrə meneceri Riçard Marriott iştirak edəcək.

2022-ci ilin sentyabr ayında Amazonun Türkiyədəki ilk logistika mərkəzi olaraq fəaliyyətə başlayan mərkəz o vaxtdan bəri yüzlərlə yeni iş yerləri yaradıb, eyni zamanda Türkiyədəki KOBİ-lərə bizneslərini böyütmək və artan müştəri tələbatını ödəmək üçün əhəmiyyətli töhfələr verib.

Türkiyədəki logistika mərkəzində davamlılığa üstünlük verən Amazon, 2040-cı ilə qədər sıfır karbon emissiyası öhdəliyinin bir hissəsi olaraq binaların istilik və isti su ehtiyaclarını 100 faiz elektrik enerjisi ilə ödəmək siyasətini davam etdirir. Bu yolla təbii qaz kimi təbiətə zərər verən ənənəvi yanacaqların istifadəsinin qarşısının alınması hədəflənir. Binalardakı bütün istilik, havalandırma və soyutma sistemləri bina idarəetmə sistemləri ilə asanlıqla idarə olunur, enerji israfının qarşısını alır və işçilər üçün sağlam iş mühiti yaradır.

Məşğulluğa və KOBİ-lərə verdiyi dəstəkdən əlavə, şirkət Türkiyədə sosial sərmayələrini də davam etdirir.

03.10.2023 17:41