Prezident Administrasiya tərəfindən göndərilən dəvətdən, əfsus ki, separatçı rejim tərəfindən imtina edilirdi.

Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Xarici İşlər Nazirliyində Bakıda akkreditə olunmuş diplomatik korpusun nümayəndələri üçün brifinqdə deyib.

O qeyd edib ki, Qarabağın erməni sakinlərinin sosial-iqtisadi inteqrasiyası Azərbaycanın daxili məsələsidir.

Prezidentin köməkçisi diqqətə çatdırıb ki, Qarabağın erməni sakinlərinin geniş formada sosial-iqtisadi inteqrasiyası üçün plan hazırdır və bu, müvafiq aidiyyət qurumlarla hazırlanıb.

XXX

Rəsmi Bakı Qarabağın erməni sakinlərinin nümayəndələri ilə sabahkı görüşə hazırdır

Azərbaycan sabahkı ilkin görüşə hazırdır.

Bunu Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev Xarici İşlər Nazirliyində Bakıda akkreditə olunmuş diplomatik korpusun nümayəndələri üçün brifinqdə deyib.

O qeyd edib ki, daha geniş müzakirələr Azərbaycan Respublikasının Konstitusiyası çərçivəsində həyata keçiriləcək:

“Azərbaycan hamar reinteqrasiya prosesinə hazır olduğunu bir daha bəyan edir. Biz əhalinin humanitar tələblərinə cavab verməyə hazırıq. Qısa zaman çərçivəsində yerlərdə stabillik və təhlükəsizliyi müvafiq şəkildə təmin etməyə hazırıq”.

XXX

Azərbaycan tərəfi lokal antiterror tədbirlərini həyata keçirməyə məcbur oldu.

Bunu xarici işlər nazirinin müavini Fariz Rzayev Xarici İşlər Nazirliyində Bakıda akkreditə olunmuş diplomatik korpusun nümayəndələri üçün brifinqdə deyib.

O qeyd edib ki, üç ilə yaxındır, Ermənistan vaxt itkisinə səbəb olub: “Bu gün artıq antiterror tədbirlərindən sonra razılıq əldə olunub. Ermənistan Silahlı Qüvvələrinin Qarabağda qalan qalıqlarının tərksilah edilməsi həyata keçiriləcək”.

XXX

Azərbaycan Ermənistanla münasibətlərin normallaşdırılmasının tərəfdarıdır

Bir daha təkrar edirik ki, Azərbaycanın məqsədi Qarabağın erməni sakinlərinin sülh şəraitində inteqrasiyasıdır və biz Ermənistan-Azərbaycan arasında münasibətlərin normallaşdırılmasının tərəfdarıyıq.

Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Xarici İşlər Nazirliyində Bakıda akkreditə olunmuş diplomatik korpusun nümayəndələri üçün brifinqdə deyib.

“Amma müstəqil Azərbaycan ərazisində 10 minlik bir hərbi qüvvənin olması qəbuledilməz idi”, - Prezidentin köməkçisi vurğulayıb.

© APA