Azərbaycanlı iş adamı nüfuzlu mükafata layiq görülüb

Azərbaycanlı iş adamı nüfuzlu mükafata layiq görülüb

Azərbaycanlı iş adamı nüfuzlu mükafata layiq görülüb

"Mətanət A" Şirkətinin Müşahidə Şurasının sədri, Azərbaycan Tikinti Materialları İstehsalçıları Assosiasiyasının sədri, professor Elxan Bəşirov Böyük Britaniyada fəaliyyət göstərən Beynəlxalq Sokrat Komitəsi tərəfindən İqtisadiyyat və Biznes kateqoriyasında İnnovasiyaların yaradılması və tətbiqi üzrə Beynəlxalq Sokrat Mükafatına (Sokrates İnternational Award) layiq görülüb.

Marja.az xəbər verir ki, bu barədə "Mətanət A" Şirkəti məlumat yayıb.

Qeyd edilib ki, qaliblər nüfuzlu ictimai təşkilatları özündə birləşdirən Beynəlxalq Sokrat Komitəsi tərəfindən peşəkar və ictimai fəaliyyətdəki böyük uğurlara görə mükafatlarla təltif edilirlər. Mükafatın verilməsi ictimai fikrin öyrənilməsi nəticəsində təşkil olunur və bu mükafatla qaliblərin fəaliyyəti beynəlxalq səviyyədə tanınır.

Dünya miqyasında bu nüfuzlu mükafatla daha əvvəllər BMT-nin Sənaye İnkişafı Təşkilatının (UNİDO) baş direktoru Karlos Maqaranyos, Rusiya Dövlət Dumasının sədri Gennadi Seleznyov, Rumıniyanın Baş naziri Adrian Nastase və digər nüfuzlu şəxslər təltif olunmuşdur.

Beynəlxalq Sokrat Mükafatı (İnternational Socrates Award) Avropanın nüfuzlu mükafatlarından biridir. Avropa Biznes Assambleyasının ekspertləri tərəfindən hər il müxtəlif ölkələr üzrə iqtisadiyyatın inkişafına böyük töhfələr verən nüfuzlu təşkilatlar, o cümlədən onlara rəhbərlik edən şəxslər bu mükafatla təltif olunurlar.

Qeyd edilib ki, bu il Oksford Univesitetində keçirilən "Liderlər sammiti"ndə dünya inşaat sənayesində ən son texnologiyalar və innovasiyaları tətbiq edən, ilklərə imza atan, mötəbərlik və nüfuzu ilə seçilən, qloballaşaraq Azərbaycan keyfiyyətini dünyaya inamla nümayiş etdirən "Mətanət A" Şirkəti böyük rəğbətlə qarşılanıb.