Rusiya Qarabağdakı ermənilərə Ağdam yolu ilə ərzaq yardımı göndərir - TIR AZƏRBAYCANA DAXİL OLUB

Rusiya Qarabağdakı ermənilərə Ağdam yolu ilə ərzaq yardımı göndərir - TIR AZƏRBAYCANA DAXİL OLUB

Rusiya Qarabağdakı ermənilərə Ağdam yolu ilə ərzaq yardımı göndərir - TIR AZƏRBAYCANA DAXİL OLUB

Rusiya Azərbaycanın Qarabağ iqtisadi rayonunda yaşayan erməni sakinlərə Ağdam yolu ilə ərzaq yardımı göndərir

Rusiya hökumətinin təşəbbüsü ilə Azərbaycan Qızıl Aypara Cəmiyyəti və Rusiya Qızıl Xaç Cəmiyyətinin birgə əməkdaşlıq memorandumuna əsasən, Rusiya tərəfindən Azərbaycan Qarabağ iqtisadi rayonunda yaşayan erməni sakinlərinin ərzağa olan ehtiyaclarının qarşılanması məqsədi ilə Rusiya Qızıl Xaç Cəmiyyəti tərəfindən ərzaq və qeyri-ərzaq məhsulları ilə ümumilikdə 1 yük avtomobili ərzaq yükünün Ağdam-Əsgəran yolu vasitəsi ilə Xankəndi şəhərinə çatdırılması üçün sentyabrın 9-da Azərbaycan Respublikasının müvafiq qanunvericiliyinə uyğun olaraq, 14:30 radələrində Samur buraxılış məntəqəsindən Azərbaycan ərazisinə keçib.

VTB-də minimal faiz dərəcəsi ilə nağd kredit 9.9%-dən

Azərbaycan Qızıl Aypara Cəmiyyətindən verilən məlumata görə, hazırda həmin yük Samur-Bakı, Bakı-Bərdə, Ağdam-Əsgəran istiqamətində hərəkət edir.

Yük son təyinat məntəqəsinə çatdırıldıqdan sonra əlavə məlumat veriləcək.

Qeyd edək ki, Azərbaycan Qızıl Aypara Cəmiyyətinin Bakıdan göndərdiyi ərzaq yükü 2 TIR 12 gündür Ağdam-Xankəndi yolunda gözləyir. İçərisində 40 ton un olan yük avtomobilləri avqustun 29-dan Ağdam-Əsgəran-Xankəndi yolunda, Rusiya sülhməramlılarının postunun qarşısında gözləyir. AzQAC-ın əməkdaşları və könüllülər ərazidə qurulan çadırlarda gecələyir. Onlar bildirib ki, ərzaq yükləri Xankəndidəki erməniəsilli sakinlərə çatdırılana qədər burada qalacaqlar.

Qeyd edək ki, hazırda ərzaq yükünün erməniəsilli şəxslərə çatdırılması üçün AzQAC-ın əməkdaşları və könüllüləri cavab gözləyir.