"Boyun qaçıran şirkətlərə dövlət subsidiyaları verilməyəcək" - Putin valyuta ilə bağlı yeni təkliflərə baxacaq

"Boyun qaçıran şirkətlərə dövlət subsidiyaları verilməyəcək" - Putin valyuta ilə bağlı yeni təkliflərə baxacaq

"Boyun qaçıran şirkətlərə dövlət subsidiyaları verilməyəcək" - Putin valyuta ilə bağlı yeni təkliflərə baxacaq

Rusiya Prezidenti Vladimir Putin çərşənbə günü, avqustun 16-da valyuta nəzarəti ilə bağlı yeni təkliflərə baxacaq. Belə ki, Rusiya Maliyyə Nazirliyi ixracatçıları valyuta gəlirlərinin bir hissəsini satmağa məcbur etməyi təklif edəcək.

Marja.az xəbər verir ki, bu barədə iki mənbə "Financial Times"a bildirib.

VTB-də minimal faiz dərəcəsi ilə nağd kredit 9.9%-dən

Qəzet yazır ki, Maliyyə Nazirliyi ixracatçıları valyuta gəlirlərinin 80%-ni aldıqdan sonra 90 gün ərzində satmağa məcbur etməyi təklif edəcək və bu tələbl əməl etməkdən boyun qaçıran şirkətlərə dövlət subsidiyaları verilməyəcək.

Digər təkliflər arasında xaricə dividendlərin ödənilməsinə qadağa qoyulması, idxal subsidiyalarının ləğvi, valyuta svopları ilə əməliyyatların məhdudlaşdırılması, ixracatçıların Rusiyadan çıxara biləcəyi valyutanın həcminin azaldılması daxildir.

Bir gün əvvəl "Bloomberg" xəbər verib ki, rəsmilər ixracatçılarla görüş keçirib. Görüşdə valyuta gəlirlərinin bir hissəsinin məcburi satışı tələbi müzakirə edilib. Agentliyin həmsöhbətləri yekun qərarın hələ verilmədiyinə aydınlıq gətirib.

Xəbər verdiyimiz kimi, Avqustun 9-da Rusiya Mərkəsi Bankı ilin sonuna qədər daxili bazarda xarici valyuta almayacağını açıqlayıb. Bank, büdcə qaydasını (neft və ya qazın qiyməti büdcədə nəzərdə tutulmuş qiymətdən yüksək olarsa, ixracatçılardan gəlirin bir hissəsi alınır) müvəqqəti olaraq dayndırdığını bəyan edib. Dünən Rusiya Mərkəzi Bankı daxili tələbi məhdudlaşdırmaq və inflyasiyanı cilovlamaq üçün uçot dərəcəsini 3,5 faiz bəndi artıraraq 8,5%-dən 12%-ə qaldırıb. Bütün bu tədbirlər ilə rublun ucuzlaşmasının dayandırılması hədəflənir.

16.08.2023 16:21