Türkiyədə çay 43 faiz bahalaşdı

Türkiyədə çay 43 faiz bahalaşdı

Çaykur çayda orta hesabla yüzdə 43 artım etdi.

Türkiyənin əsas çay istehsalçısı "Çaykur" quru çay qiymətlərini artırıb.

Marja xəbər verir ki, qiymətləri orta hesabla 43 faiz artıran "Çaykur" topdansatış şirkətlərinə yeni qiymət siyahısı göndərib.

VTB-də minimal faiz dərəcəsi ilə nağd kredit 10.49%-dən

"Çaykur"un ən çox istehlak edilən iki çay markası "Tiryaki" və "Rize Turist" çox məşhurdur.

2023-cü ilin yanvar ayında hazırlanmış köhnə siyahıda 1 kiloqramlıq "Rize Turist" çayının tövsiyə edilən pərakəndə satış qiyməti 97,81 TL ikən, bu gün şirkətlərə göndərilən yeni siyahıda eyni çayın qiyməti 141,54 TL olaraq göstərilib. Beləliklə, "Rize Turist" çayı 44,7% bahalaşıb.

Köhnə siyahıda 1 kiloqramlıq "Tiryaki" çayının tövsiyə olunan pərakəndə satış qiyməti 95,95 TL olduğu halda, yeni siyahıda eyni çayın qiyməti 138,38 TL-yə yüksəlib. Beləliklə, “Tiryaki” markalı çayın qiyməti 44,2 faiz artıb.

Çaykurun bütün kateqoriyalarında orta qiymət artımı 43%-ə bərabərdir.

TÜİK-in may ayı məlumatlarına görə, Türkiyədə çay və digər dəmlənmiş içkilər qrupunda qiymətlər aylıq 1,48 faiz, illik müqayisədə isə 47,25 faiz artıb.

TÜİK-in inflyasiya səbətində çayın çəkisi 0,5902 faiz təşkil edir. Buna görə 43% artımın inflyasiyaya təsiri 0,25 bənd olaraq hesablanır. İyun ayındakı bu artımın təsiri iyul ayı inflyasiya məlumatlarında görünəcək.

Xatırladaq ki, prezident Rəcəb Tayyib Ərdoğan seçki prosesi zamanı mayın 3-də Rizədə keçirilən mitinqdə təzə çayın alış qiymətini açıqlamışdı. Prezident Ərdoğan, “Bu ilki dəstək ödənişi ilə təzə çayın alış qiymətini kiloqramına görə 64% artıraraq 11 lirə 30 sentə çatdırırıq” demişdi.

ÇAYSİAD İdarə Heyətinin üzvü Mustafa Yılmaz Kar, “Rəflərdəki çayın qiyməti 2023-cü ilin istehsal qiymətindən çox aşağıdır. Rəflərdə çay qiymətlərinin artması qaçılmazdır" demişdi.

"Çaykur"un qarşıdakı aylarda çay qiymətlərini yenidən 10-15 faiz artıra biləcəyi iddia olunur.

08.06.2023 13:02

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az