"Dokta" və "Zeytun"un apteklərində yararlılıq müddəti bitmiş bioloji aktiv qidalar satılıb

Vəzifəli şəxsləri barəsində tədbirləri görülüb, satışı dayandırılıb, qadağan olunub və məhv edilib.

"Dokta" və "Zeytun"un apteklərində yararlılıq müddəti bitmiş bioloji aktiv qidalar satılıb

"Dokta" MMC, "Zeytun Pharmaceuticals" MMC, "Best Pharma" MMC,“Maymed-Avis” MMC, "Buta Farm" MMC,“Murad-Farm” MMC,"Şəfa-Farm" Firması, “Paşa-K” Firmasının apteklərində noqsanlara yol verilib.

Marja.az xəbər verir ki, Azərbaycan Respublikasının Qida Təhlükəsizliyi Agentliyi (AQTA) "Dokta" MMC-nin və "Zeytun Pharmaceuticals" MMC-nin apteklərində yararlılıq müddəti bitmiş bioloji aktiv qida məhsulu aşkar edib. Həmçinin məhsulun içlik vərəqində və qablaşdırılmasında bioloji aktiv qida məhsulu olmasını təsdiq edən məlumatlar qeyd edilməmiş, bioloji aktiv qida məhsulunun üzərində müxtəlif müalicəvi məlumatlar qeyd edilmiş və məhsulların üzərində Azərbaycan dilində markalanma mövcud deyildir.

VTB-də yüksək depozit faizləri daha çox qazandırır

Qeyd edək ki, Azərbaycan Respublikasının Qida Təhlükəsizliyi Agentliyi (AQTA) tərəfindən 2023-cü ilin yanvar-aprel ayları ərzində ölkə ərazisində bioloji aktiv qida məhsullarının dövriyyəsini həyata keçirən 189 aptekdə yoxlama aparılıb.

Yoxlamalardan 183-ü planlı, 6-sı isə plandankənar olub. Nəzarət tədbirləri zamanı 128 aptekdə uyğunsuzluq aşkar edilib. Uyğunsuzluq aşkarlanan apteklərdən 109-da sanitar norma və qaydalara əməl olunmaması, 3-də malların satışı zamanı mal qonşuluğuna və temperatur rejiminə əməl edilməməsi, 12-də yararlılıq müddəti bitmiş bioloji aktiv qida məhsulunun satışı, 14-də sözügedən məhsulun etiket məlumatlarının qanunvericiliyin tələblərinə cavab verməməsi, 4-də isə qida təhlükəsizliyi sertifikatı olmadan satılması müəyyən edilib.

Həmin apteklərin vəzifəli şəxsləri barəsində Agentlik tərəfindən inzibati məsuliyyət tədbirləri görülüb. Həmçinin apteklərdən 18-də bioloji aktiv qida məhsulunun satışının dayandırılması, 12-də həmin məhsulların satışının qadağan olunması və məhv edilməsi barədə qərarlar qəbul olunub. Yoxlama zamanı 61 aptekin nəticəsi qənaətbəxş olub.

Dokta Zeytun Pharmaceuticals Best Pharma Maymed-Avis Buta Farm Murad-Farm Şəfa-Farm Paşa-K aptek bioloji aktiv qidalar

23.05.2023 22:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az