"Daha çox bankın iflas edəcəyi ehtimalı var"

"Daha çox bankın iflas edəcəyi ehtimalı var"

Warren Buffett, bank böhranı ilə bağlı verdiyi açıqlamada, bank iflaslarının bitmədiyini, lakin əmanətçilərin vəsaitlərinin təhlükədə olmadığını və panikaya düşməmələri lazım olmadığını bildirib.

"Daha çox bankın iflas edəcəyi ehtimalı var"

Warren Buffett bildirib ki, daha çox ABŞ bankı müflis ola bilər, lakin əmanətçilər vəsaitlərini itirməyəcəklər.

Marja xəbər verir ki, milyarder iş adamı, "Berkshire Hathaway Inc"ın baş direktoru Warren Buffett CNBC-yə verdiyi müsahibəsində "Bank iflasları bitməyib" deyib. Buffet vurğulayıb ki, bank rəhbərlərinin axmaq qərarları panikaya ehtiyac olmayan bir vəziyyətdə bütün ABŞ vətəndaşları arasında çaxnaşma yaratmamalıdır.

VTB-də minimal faiz dərəcəsi ilə nağd kredit 10.49%-dən

Buffet, gələn il heç bir əmanətçinin pul itirməyəcəyinə mərc etməyə hazır olduğunu söyləyib. Lakin milyarder investor xəbərdarlıq edib ki, problemli bank səhmləri dəyərli investisiya deyil və hökumət əmanətçiləri qorumaq üçün tədbirlər görsə belə, səhmdarların xilas olmaları ehtimalı azdır.

"Onlar səhmdarları xilas etməyəcəklər", - Buffett "First Republic Bank" da daxil olmaqla problemli bank səhmlərinin böyük gəlirli investisiya olub-olmadığı barədə suala cavabında bildirib.

Buffett əlavə edib ki, Federal Əmanətlərin Sığortalanması Korporasiyası (FDIC) banklardan topladığı üzvlük haqları hesabına maliyyələşir. Bank iflas edərkən federal hökumət pul itirmir, kompensasiyalar FDIC tərəfindən ödənilir.

"İctimaiyyətdə belə bir təəssürat yaranıb ki, FDIC ABŞ hökumətidir. Lakin FDIC-in xərcləri, o cümlədən işçilərinin xərcləri və digər hər şey banklar tərəfindən ödənilir. Beləliklə, banklar hökuməti bir qəpik də xərcə salmırlar", - Baffet deyib.

12.04.2023 19:32