"Rusiya Qərbə bir daha “qaz kəmərlərini partlatmağa” imkan verməyəcək"

"Rusiya Qərbə bir daha “qaz kəmərlərini partlatmağa” imkan verməyəcək"

Rusiya enerji siyasətində bundan sonra Qərbə arxalanmayacaq

"Rusiya Qərbə bir daha “qaz kəmərlərini partlatmağa” imkan verməyəcək"

"Rusiya artıq enerji siyasətində Qərb ölkələrinə arxalanmayacaq və Qərbin yenidən “qaz kəmərlərini partlatmasına” imkan verməyəcək".

Marja xəbər verir ki, bunu cümə günü Rusiyanın xarici işlər naziri Sergey Lavrov beynəlxalq politologiya konfransında deyib.

VTB-də minimal faiz dərəcəsi ilə nağd kredit 9.9%-dən

“Bizim dayandırmağa çalışdığımız və Qərbin ukraynalılardan istifadə edərək bizə qarşı başlatdığı müharibədir. Təbii ki, bu müharibə Rusiyanın siyasətinə, o cümlədən enerji siyasətinə təsir etdi. Biz onlara qaz kəmərlərini yenidən partlatmağa imkan verməyəcəyik”, - Lavrov vurğulayıb.

Nazir xatırladıb ki, Rusiya “Şimal axını” partlayışları ilə bağlı araşdırma aparılmasını xahiş edəndə “tələb dərhal rədd edilib”. Amerikalılar bunu “cəfəngiyyat” adlandırıblar.

O qeyd edib ki, bu gün ABŞ-ın bütün hərəkətləri Avropanı Vaşinqton üçün “tabe oyunçu”ya çevirməyə yönəlib.

"Rusiyanın enerji siyasəti etibarlı tərəfdaşlar üzərində cəmləşəcək. Şübhəsiz ki, Hindistan və Çin onların sırasındadır", - Lavrov yekunlaşdırıb.

Ötən il sentyabrın 27-də “Nord Stream AG” şirkəti “Şimal axını” və “Şimal axını 2” dəniz qaz kəmərlərinin üç xəttində zədələnmələr barədə məlumat vermişdir. Rusiya Federasiyası qaz kəmərlərinin zədələnməsindən sonra beynəlxalq terror aktı ilə bağlı cinayət işinə başlayıb.

Fevralın 8-də amerikalı araşdırmaçı jurnalist Seymur Herş mənbəyə istinadən məqaləsində qeyd edib ki, Rusiyanın “Şimal axını” və “Şimal axını 2” qaz kəmərlərinin altına partlayıcı qurğular 2022-ci ilin iyununda ABŞ Hərbi Dəniz Qüvvələrinin dalğıcları tərəfindən norveçli mütəxəssislərin dəstəyilə Baltops təlimləri zamanı yerləşdirilib. Herşin sözlərinə görə, əməliyyatın keçirilməsi barədə qərar prezident Co Bayden tərəfindən administrasiyada milli təhlükəsizlik rəsmiləri ilə 9 aylıq müzakirələrdən sonra verilib. Ağ Ev Herşin irəli sürdüyü versiyanı “tam yalan və uydurma” adlandırıb.

03.03.2023 11:56