Dolların bahalaşması fonunda qızılda eniş tendensiyası davam edir

Dolların bahalaşması fonunda qızılda eniş tendensiyası davam edir

Dolların bahalaşması fonunda qızılda eniş tendensiyası davam edir

FED-in növbəti dövr monetar siyasətinə dair qeyri-müəyyənliklər davam edərkən, ABŞ-da açıqlanan makroiqtisadi göstəricilərin FED-in monetar siyasətdə “şahini” duruşunu gözlənildiyindən daha uzun müddət saxlaya biləcəyinə dair artan ehtimallar birjalarda dollara dəstək olmaqda davam edir.

Ölkənin əsas pərakəndə satış şəbəkələrindən biri olan “Home Depot” və “Walmart”-dan bu il zəif qazanc proqnozları artan faiz dərəcələrinin ABŞ-da istehlakçıların alıcılıq qabiliyyətinə zərər verməyə başladığı ilə bağlı narahatlıqları artırdı.

VTB-də minimal faiz dərəcəsi ilə nağd kredit 10.49%-dən

ABŞ-ın 10 illik istiqrazlarının gəlirliliyi 3.96%-ə yüksələrək 2022-ci ilin noyabrından bəri qeydə alınan ən yüksək səviyyədir.

Makroiqtisadi məlumatlar tərəfində, ABŞ-da Sənaye Sektorunda Biznes Aktivliyi İndeksi (PMI) yanvar ayında 47.8 bənd səviyyəsində açıqlanaraq proqnozları üstələməsinə baxmayaraq iqtisadi daralmanın davam etdiyini göstərdi.

Yanvarda ölkədə ikinci əl ev satışları da aylıq müqayisədə 0.7% azalaraq 2010-cu ildən bəri ən aşağı səviyyə düşüb.

FED-in son iclasının protokollarında pul-kredit siyasətiin gələcəyi ilə bağlı daha çox ipucları olduğu üçün analitiklər çərşənbə günü Bakı vaxtı ilə saat 23:00-da dərc olunacaq protokollardakı siqnalların investorların diqqət mərkəzində olduğunu qeyd edirlər.

Həmçinin bu gün Almaniyada açıqlanacaq İstehlak Qiymətləri İndeksi və “İFO” Biznes Mühiti İndeksi göstəriciləri investorlar tərəfindən maraqla gözlənilir.

Hazırda 103.80 bənd hədlərində qərarlaşan dollar indeksində “Buğalar” DXY-ın qiymətini 103.50 bənd həddinin üzərinə saxlaya bilsələr, artım tendensiyası 105.00 bənd hədlərinə kimi davam edə bilər. Nəticədə EUR/USD, GBP/USD məzənnələrində eniş tendensiyası daha kəskin xarakter ala bilər.

Dolların bahalaşması fonunda qızılda eniş tendensiyası davam edir. Hazırda 1838$-dan təklif olunan qiymətli metalın bir unsiya üzrə qiyməti 1820$ və 1800$-a kimi ucuzlaşa bilər.

Təhlil “İnvest-AZ İnvestisiya Şirkəti” QSC-nin Analitika Departamenti tərəfindən hazırlanıb.

22.02.2023 10:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az