Bu gün FED faiz dərəcələri ilə bağlı qərar verəcək - İqtisadçıların gözləntiləri

Bu gün FED faiz dərəcələri ilə bağlı qərar verəcək - İqtisadçıların gözləntiləri

ABŞ Federal Ehtiyat Sisteminin (mərkəzi bank, FED) bu gün açıqlayacağı pul siyasəti qərarları ərəfəsində investorların ehtiyatlı münasibətilə əlaqədar olaraq dünən qlobal bazarlar mənfi zonada idi.

Bu gün FED faiz dərəcələri ilə bağlı qərar verəcək - İqtisadçıların gözləntiləri

Bu gün ABŞ Federal Ehtiyat Sistemi (mərkəzi bank, FED) Bakı vaxtı ilə saat 23:00-da faiz qərarını açıqlayacaq.

Marja xəbər verir ki, bu gün FED-in faiz dərəcəsini 0,25 faiz bənd artıraraq 4,75%-4,50% aralığına çatdıracağı gözlənilir. İclasdan sonra FED-in yayacağı məlumatdakı mesajlar və Bakı vaxtı ilə saat 23:30-da başlayacaq mətbuat konfransında FED sədri Jerome Powellin verəcəyi açıqlamalar böyük əhəmiyyət kəsb edir.

Bazarlarda FED-in faiz artırmağı harada dayandıracağına dair qeyri-müəyyənliyin aktiv qiymətlərinə təsirini davam etdirdiyinə diqqət çəkən iqtisadçılar, bugünkü iclasla bu məsələyə aydınlıq gətiriləcəyini bildirirlər.

Fed üzvlərinin son mesajları və bazar qiymətləri göstərir ki, bank siyasət faizini 0,25 faiz bəndi artıra bilər. Ölkə iqtisadiyyatı 2022-ci ilin 4-cü rübündə 2,9 faiz ilə gözləniləndən çox artıb, 2022-ci ilin dekabr ayında yeni ev satışları aylıq 2,3 faiz artaraq 616 minə çatıb ki, bu da dörd ayın ən yüksək səviyyəsidir.

Ölkədə fərdi istehlak xərclərinin artımı illik müqayisədə 2,1 faizə qədər geriləsə də, inflyasiyanın aşağı meylinin sürətlənəcəyi ilə bağlı gözləntilər güclənib.

FED pul siyasətinin sərtləşdirilməsində bir az daha mülayim olacaq, faizini 0,25 faiz bəndi artıracaq.

İqtisadçılara görə, artıq iqtisadiyyat "soyuyub", faiz dərəcələrinin pik nöqtəsi uzaqda deyil. Fed ötən il faizini 4,25 faiz bəndi artırıb.

İnflyasiyanın aşağı düşməsi Fed-in faiz artırması tempini dekabrdakı 0,50 faiz bəndindən fevralda 0,25 faiz bəndinə endirməsi ehtimalını gücləndirib.

01.02.2023 07:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az