Qazaxıstan Milli Bankı pauza verdi

Qazaxıstan Milli Bankı pauza verdi

Qazaxıstan Milli Bankı (mərkəzi bankı) cümə günü əsas faiz dərəcəsini 16,75% səviyyəsində dəyişməz saxlamaq qərarına gəlib.

Marja.az xəbər verir ki, bu barədə tənzimləyicinin mətbuat xidməti məlumat yayıb.

VTB-də minimal faiz dərəcəsi ilə nağd kredit 10.49%-dən

Ötən il Fevralın 24-də Qazaxıstan Mərkəzi Bankı faiz dərəcəsini birdən-birə 3,25 faiz bəndi artıraraq 13,5%-ə qədər artırmaq barədə fövqəladə qərar qəbul etmişdi. Apreldə faiz dərəcəsi 14%-ə, iyulda 14,5%-ə, oktyabrda 16%-ə, dekabrda isə 16,75%-ə qaldırılmışdı.

Qazaxıstanda 2022-ci ildə inflyasiya 20,3% təşkil edib.

"Qazaxıstan Respublikası Milli Bankının Pul Siyasəti Komitəsi baza faiz dərəcəsini +/- 1 faiz bəndi dəhlizlə illik 16,75% səviyyəsində müəyyən etmək qərarına gəlib", - Milli Bankın açıqlamasında deyilir.

Qeyd edilib ki, faizin sabit saxlanılması qərarı faktiki inflyasiyanın Milli Bankın proqnozlarına uyğun olması fonunda qəbul edilib.

Belə ki, Mərkəzi Bankın məlumatına görə, aylıq inflyasiya dinamikası 2022-ci ilin dekabrında 1,2% (2022-ci ilin sentyabrında 1,8%) təşkil edərək, ardıcıl üçüncü aydır yavaşlama nümayiş etdirir. Bununla belə, azalmaya baxmayaraq, bu, hələ də orta illik dəyərləri (son 5 il ərzində dekabrda orta hesabla - 0,7%) üstələyir.

"Faktiki inflyasiyanın baza ssenarisinə uyğun inkişaf etdiyini və risklərin mövcud balansını nəzərə alaraq, Milli Bank baza dərəcəsinin artırılması dövrünün sonuna yaxın olması ilə bağlı əvvəlki bəyanata əməl edir. Faiz dərəcəsinin daha da artırılması potensialı məhduddur. Eyni zamanda, hələ də inflyasiya yüksək səviyyədə olduğu üçün faiz dərəcəsini uzun müddət cari dəyərlərdə saxlamaq lazımdır”,- Qazaxıstan Milli Bankı bildirib.

13.01.2023 13:55

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az